Serokê Hevbendiya Niştimanî , Doktor Nesir Elherîrî, di civîna xwe ya bi Hikûmeta Demkî re tekezî li ser giringiya kartêkerkirina tevaya dezgeh û wezaretan û çesipandina rol û hebûna wan di xizmeta hevwelatiyê Sûrî de li tevaya deverên ku gihiştina wan saziyan di vê dema hestyar de gengaz be kir.
Û Elherîrî di civîna xwe ya rolane li gel Hikûmeta Sûrî ya Demkî ya bi serokatiya birêz Ebdulrehman Mustefa de, got: “Piştgiriya Hikûmeta Sûrî ya demikî û çesipandina hebûna wê li deverên rizgarkirî erkekî niştimanî ye, û divê tevaya aliyan kar bikin ji bo biserxistina karûbarên wê, da karibe çaktirîn xizmetguzariyan ji gelê Sûriyê re li deverên rizgarkirî yên ku hin ji wan kêmtirîn mercên jiyanê lê tune ne pêşkêş bike”.
Û derbarê derbaskirina alîkariyên mirovî ji bo bakurê sûriyê , Elherîrî tekezî li ser xurtkirina têkiliyan li gel tevaya dewletên kartêker û yên dostên gelê Sûriyê kir, da wan han bidin li ser giringiya pêşkêşkirina piştgiriya mirovî ji gelê Sûriyê re bi rengekî berdewam û bê navbir, di riya dezgehên Hevbendiyê di Hihûmeta Sûrî ya Demikî de û Yekîneya Hevrêzkariya Piştgiriyê û dezgehên din jî yên bi vî karî ve têkildar in re.
Di heman mijarê de, civîna ku di riya peywendiyeke televizyonî ya girtî re bû, encamên kirîza korona li bakurê Sûriyê û deverên di bin kontrola rijêmê de, û asta amadebûna nexweşxaneyan ji bo pêşwazîkirina nexweşên rewşa wan xerab û pêşkêşkirina xizmetguzariyên tên xwestin gengeşe kirin, û Elherîrî tekezî li ser pirkirina karê helmetên hişyarkirinê yên arasteyî welatiyên sûrî dibin li ser tevaya xaka welat yên ku wezareta tenduristiyê bi alîkariya civaka sivîl û encumanên xwecihî pê radibe kir.
Herweha Hikûmeta Sûrî ya Demkî rewşa meydanî li deverên rojhilatî Ferat û bi taybetî deverên di bin kontrola milîşên PYD yê terrorist de, û çawaniya diltengiya sivîlan ji siyasetên wan ên serkutkitinê û destêwerdana ewlekarî di jiyana xelkê ya rojane de, û binpêkirinên rojane yên ku dikin gengeşe kirin, û tekezî li ser gihandina dengê sivîlên vî beşê Sûriyê bo aliyên navdewletî yên piştgiriya vê rêxistinê dikin kir, û handana wan li ser giringiya sizadana tewankarên cengê û berpirsên binpêkirinan.
Jêder: Ofîsa Ragihandinê ya Hevbendiya Niştimanî ya Sûrî