Serokê Hevbendiya Niştimanî ya Sûrî, D. Nesir Elherîrî, civînek ji dûrve li gel Hevrêzkara Siyasî ya Birêtaniya li Netewên Yekbûyî, Sonya Ferre, lidar xist, û pê re dawîtirîn pêşhatên meydanî û siyasî li Sûriyê gengeşe kirin, li rex civatên Giştî yên Netewên Yekbûyî yên gera 75an.
Û Serokê Hevbendiya Niştimanî tekezî li ser pêwîstiya rola ku Birîtaniya di piştgiriya siyasî û danûstandinên li Cinêvê pê radibe kir, her weha rola wê di pirosesa lêpirsînê û di Rêxistina Navdewletî ya Qedexekirina Çekên Kîmawî de, û rola wê di Encûmena Ewlekarî de bo piştgiriya doza Sûrî.
Û herdû aliyan encamên karên Komîteya Destûrî ya Sûrî gengeşe kirin, û bal kişandin ser berdewamiya rijêma Elesed di astengkirina gihîştina lihevkirinekê li ser xiştekara gera dahatî, û tekezî li ser pêwîstiya gihîştina pirosesa siyasî ya rasteqîn û domdar û cîbicîkirna biryarên navdewletî yên girêdayî bi Sûriyê û di pêşî de biryara 2254an de kir.
Û Elherîrî diyar kir ku rêkeftina agirbestê li Idlibê hîn berdewam e, û tekezî li ser piştgiriya wê kir, daku bighînin agirbesteke berfireh, û hişyarî da derbarê hewildanên rijêmê û pîştgirên wê bo dîtina bihaneyan de, daku dest bi helmetên leşkerî yên nû bikin, û çareya leşkerî ya xwîndar bisepînin.
Û li ser rewşa li bakur-rojhilatê Sûriyê û binpêkirinên ku milîsên PYD pê radibin kir, û tekez kir ku divê pirosesa diyalogê hebûna rêxistina PKK ya terosrist tune bike, û vegera koçberan bo cihên xwe yê resen misoger bike, û yekîtiya Sûriyê û xaka wê biparêze.
Û Serokê Hevbendiya Niştimanî li ser rewşa penaberên Sûrî li Libnanê axivî, û eşkere kir ku bêhtirê girtiyên Sûrî li Libnanê bi sedemin siyasî girêdayî çalakiyên wan di şoreşa Sûriyê de hatine girtin, û daxwaza kar li ser serbestberdana wan û veguhastina wan bo bakurê Sûriyê kir.
Û li ser rewşa girtiyan li Sûriyê axivî, û tekezî li ser pêwîstiya destpêkirina bi rêşûnên avakirina baweriyê yaku di deqa biryara 2254an de hatîye kir, her weha kar li ser avakirina komîteyekê bi serpereştiya Netewên Yekbûyî bo şopandinê bibe, daku girtiyan serbest berdin ji ber ku ew perçeyek ji wan rêşûnan e.
Û Elherîrî tekez kir ku Hevbendiya Niştimanî li gel Hikûmeta Sûrî ya Demkî xebatê bo şopandina tevaya binpêkirinan li deverên rizgarkirî dike, daku di riya dezgehên asayîşa giştî û polîsan nehêlibe ku ew binpêkirin çêbibin, û kar li ser çareserkirina wê bibe, û yên binpêkirin pêkanîne werin cezakirin, û jiyaneke birûmet ji nişteciyan re dabîn bibe.
Û herdû aliyan li hev kirin ku ji erkê Encûmana Ewlekariyê ye ku kar ji bo rawestandina binpêkirinên rijêma Elesed dermafê sivîlan bike, û biryarên ji aliyê Encûmena Ewlekariyê derketine cîbicî bibin, û yên tewan pêkanîne werin sizakirin.
Û Elherîrî daxwaza ku divê nûnerê Hevbendiya Niştimanî di Netewên Yekbûyî de û di Encûmena Ewlekariyê de hebin kir, ji ber ku Hevbendiya Niştimanî nûnerê rewa yê gelê Sûriyê ye.
Jêder: Ofîsa Ragihandinê ya Hevbendiya Niştimanî ya Sûrî
