Serokê Hevbendiya Niştimanî ya Sûrî Salim Elmislit û şandê pêre li gel komeleyên sivîl û siyasî û rûsipiyên gundewarê bakurê Helebê û Kombenda Sûriya Pêşerojê civiya, û di hevdîtinê de behsa dawîtirîn pêşketinên siyasî û meydanî kir.
Û şandê Hevbendiyê ji Sekretêrê Desteya Siyasî Ebdilmejîd Berekat û endamên Desteya Siyasî Bedir Camûs, Munzir Siras, Mihemed Yehya Mektebî, Behcet Eletasî, û endamên Desteya Giştî Ehemed Elşihadî, Necîb Rehmon, Atif Zirêq pêk dihat.
Û di hevdîtinê de Emîndarê Giştî yê Kombenda Sûrya Pêşerojê Amir Muna û endamin ji damezrênerên Kombendê û hejmarek ji rûsipiyên deverê amade bûn.
Û Serokê Hevbendiya Niştimanî dawîtirîn pêşketinên siyasî û meydanî berçav kirin, û tekezî li ser giringiya van hevdîtinan kir, û got ku helwestên me yên niştimanî yek in, û divê li ser wê binyadê kar diyar be û berê wî ber bi yekarmancê ve be.
Û Elmislit tekezî li ser pêwîstiya yekrêziya bizavên Sûriyê li ser asta siyasî û meydanî bo pêkanîna armancên şoreşê di rûxandina rijêma Esed de û pêkanîna daxwazên gelê Sûrî di azadî û dadwerî û rûmetê de kir, ji bo ku berve Sûriya pêşerojê biçin di riya veguhestina siyasî ya tam re, yaku dê veguhastina demoqrasî li welêt misoger bike, û jiyana azad û bi rûmet bo tevaya welatiyên Sûrî dabîn bike.
Û Elmislit guhdarî li nerînên amadebûyan derbarê rewşa jiyanê li bakurê Sûriyê û karê siyasî û rola Hevbendiya Niştimanî û daxwazên çaksaziyê yên pêwîst kir.
Jêder: Ofîsa Ragihandinê ya Hevbendiya Niştimanî ya Sûrî