Serokê Hevbendiya Niştimanî ya Sûrî Salim Elmislit, nameyeke Hevkariyê arasteyî Wezîrê Derve yê Okraniya Dmytro Ivanovych Kuleba kir, derbarê hewldanên Rûsiya yên dubarekirî yên ku ewlehî û aramiya dewleta Okraniya ya dost armanc dikin.
Û Elmislit bi navê xwe û bi navê gelê Sûrî hevkariya xwe ya tam li gel dewleta Okraniya bi rayedar û gelê wê ve anî ziman, û tekezî li ser şermezarkirina tevaya hewldanên xirabkirina aramiyê û binpêkirina yasaya navdewletî yaku ziyanê dighîne serwerî û serxwebûn û yekîtiya xaka wê kir.
Û Elmislit di nameya xwe de bal kişand ser ku gelê Sûrî bi diriêjiya salên ku derdeseriya terrora rijêma Esed û hevalbendên wê kişandiye, dewletên dost yên ku li kêleka doza gelê Sûrî rawestiyane û piştgiriya wî kirine û dewletên dîtir yên ku piştgiriya operasyonên kuştina sivîlan kirine nas kirin.
Û Elmislit cextî li ser pêwîstiya livekê ji aliyê civaka navdewletî ve kir, daku sînorekî ji kiryarên dagîrkarî yên ku rojbiroj mezintir dibin û dewletên ku piştgiriya dîktatoriyê li cîhanê dikin û li dijî mafên gelan di azadî û rûmetê de radiwestin, deynin.
Û Elmislit tekeziya Hevbendiya Niştimanî li ser baştirîn têkliyên biratî li gel dewleta Okraniya û hezkirina xurtkirina van têkliyan daku têkevin xizmeta herdu gelên Sûrî û Okranî de kir.
Jêder: Ofîsa Ragihandinê ya Hevbendiya Niştimanî ya Sûrî
