Serokê Hevbendiya Niştimanî ya Sûrî D. Nesir Elherîrî, bi navê gelê Sûrî nameyeke pîrozbahiyê arasteyî wezîrê Derve yê Emrîka yê nû Tony Blinken kir, û têde hêviyên xwe derbarê rola Emrîkî wek hevalbendekî cihê baweriyê sebaret şoreşa Sûriyê û gelê wê anî ziman.
Û Elherîrî di nameya xwe de bal kişand ser ku Hevbendiya Niştimanî pişta xwe bi pabendiya Rêvebiriya Emrîkî ya nû bi berdewamiya piştgiriya doza gelê sûrî ya rewa xurt dike, û Serokê Hevbendiyê bilindnirxandina xwe ji xebatên Waşintonê re yên piştgiriya hêviyên gelê sûrî bo pêkanîna azadî û demoqrasiyê anî ziman.
Û Elherîrî tekezî kir li ser giringiya ku Rêvebiriya Emrîkî ya nû pêngavin cidî bo pêkanîna veguhestina siyasî ya tam û rasteqîn li Sûriyê bavêje, li gor daxwiyaniya Cinêvê û herdû biryarên Encûmena Ewlekariyê 2018 û 2254 û biryara Civata Giştî ya Netewên Yekbûyî 262/67.
Û di nameya xwe de cext kir ku cîbicîkirina daxwiyaniya Cinêvê û biryarên navdewletî yên girêdayî sûriyê ew takerê ye bo gihîştina çareya siyasî ya berfireh yaku dê armancên gelê sûrî pêk bîne û di derbaskirina rewşa dijwar de alîkar be, û dewleta azadî û dadweriyê û hukumdariya hişmend ava bike.
Jêder: Ofîsa Ragihandinê ya Hevbendiya Niştimanî ya Sûrî