Serokê Hevbendiya Niştimanî ya sûrî D. Nesir Elherîrî, pêwendiyeke têlefonî ji Şanderê Ferensî yê Taybet bo Sûriyê birêz Francois Sînîmo wergirt, û behsa pêşhatên rewşa meydanî û siyasî kirin.
Û herdu aliyan giringî dan rewşa meydanî û bombebarana dawîn ya rijêmê li ser navendên sivîl û karwanên alîkariyên mirovahî, û li ser rewşa mirovahî û pêwîstiya nûkirina biryara Encûmena Ewlekariyê 2533 bo derbaskirina alîkariyên mirovî di riya derwazên sînorî yên ne di bin kontirola rijêmê de re axivîn.
Û herdu aliyan pêşdeçûnên pirosesa siyasî û xebatên ku Nûnerê Navdewletî yê Taybet bo Sûriyê Gear Piederson bo lidarxistina gera şeşemîn ji karên Komîteya Destûrî ya Sûrî dike gengeşe kirin.
Û herdu alî li ser amadekariyên ku dewletên dost pê radibin wek hazirî ji bo beşdariya kongirê Biroksil yê dahatî derbarê piştgiriya gelê sûrî axivîn, û Elherîrî xebatên ku Firansa bo piştgiriya gelê sûrî di pêkanîna azadî û rûmet û dadweriyê dike bilind nirxandin.
Û Elherîrî tekezî li ser giringiya mana li ser helwestên ku nûavakirin çênebe bêyî pêkanîna veguhestina siyasî li gor biryarên navdewletî û di pêşî de herdu biryarên 2018 û 2254 û berdewamiya xebatên bo sizakirin û nehêlana ku tewanbar ji sizayan rizgar bibin kir.
Û ji aliyê xwe ve nûnerê Firansî birêz Sînîmo tekezî li ser berdewamiya helwesta ewropî di piştgiriya gelê sûrî û daxwazên gel di azadî û rûmetê de kir, û tekezî li ser cidîbûna xebata navdewletî di warê sizakirina tewanbarên cengê yên rijêma Esed kir, û di heman demê de cext kir ku doseya nûavakirinê li sûriyê bi cihanîna veguhestina siyasî ve girêdayî ye.
Jêder: Ofîsa Ragihandinê ya Hevbendiya Niştimanî ya Sûrî
