Serokê Hevbendiya Niştimanî ya Sûrî, D. Nesir Elherîrî, pêwendiyeke telîfonî li gel hejmarek ji penaberên Sûrî yên li Yonansitanî pêkanî, û li rewşa jiyana wan pirsî, piştî ku hejmarek ji agiran li kampa Moriya li girava Mîdîlî “Lespos” ya Yonanistanê çêbûn, û di civîna pêwendiyê de Emîndarê Giştî yê Hevbendiyê, Abd Albaset Abdullatif, û Endamê Desteya Siyasî, Salim Elmislit, û Endamê Desteya Giştî, Ednan Rehmon, amade bûn.
Û Elherîrî eşkere kir ku Hevbendiya Niştimanî rewşa penaberên Sûrî li gel Hikûmeta Yonanistanê dişopîne, û bal kişand ku Hevbendiyê daxwaza veguhêstina tevaya penaberan tev malbatên wan bi awayekî lezgîn bo deverên ewle û aram û dabînkirina tevaya pêdvîyên wan ji desthilatên Yonanistanê kir.
Û Elherîrî tekez kir ku Hevbendiya Niştimanî û Rêvebiriya Karûbarê Penaberan li ser pêwendiya li gel Yekîtiya Ewropa û aliyên navdewletî yên têkildar kar dike, daku alîkariyê ji bo tevaya penaberên Sûrî li Yonanistanê pêşkêş bikin, û pêdviyên wan dabîn bikin, û destûrê bidin wan penaberan daku berve dewletên ku ew dixwazin bighênê herin.
Û Elherîrî diyar kir ku Hevbendiya Niştimanî ji desthilatên Yonanistanê daxwaza parastina penaberên qesta Yonanstanê kirine wek rêyeke derbasbûna ewle berve Ewropa de kir, û xwest ku karê cidî di warê rawestandina dijminkariyên nijadperestî dijî wan bike.
Û got ku Hevbendiya Niştimanî hejmarek ji nameyan arasteyî Civaka Navdewletî kirin, ji bo karê lezgîn û fişaran li ser desthilata Yonanistanê bo pabendiyê bi rêkeftinên navdewletî yên taybet bi penaberan bike, û penaberan ji çi dijminkariyên ku hin nijadperest li paş wan in biparêze.
Jêder: Ofêsa Ragehandinê ya Hevbendiya Niştimanî.
