Serokê Hevbendiya Niştimanî ya Sûrî Salim Elmislit, xweşhaliya xwe bi daxwiyaniyên Mîrê Qeterê Şêx Temîm Bin Hemed Al Sanî yên derbarê redkirina asayîkirina têkliyan bi rijêma Esed re û rêgirtina li pêş vegera wê bo Komkara Erebî anî ziman.
Û Elmislit tekez kir ku ev helwestên neguhêr yên Mîrê Qeterê û gelê wê dê li bal gelê Sûriyê cihê rêzê bimînin, gelê ku hîn ji bo bidestxistina mafê azadî, rûmet û demokrasiyê têkoşînê dike.
Û careka dî tekezî li ser rola giring û sereke ya dewleta Qeterê di piştgiriya gelê Sûriyê di xebata wî ya bo azadî, rûmet û dadmendiyê de kir, her weha li ser rola wê di dosya siyasî û dîplomatîk de, ya ku dikare dosya çareseriyê li Sûriyê bilvîne, û beşdariyê di pêşdebirina civaka navdewletî û erebî berve cîbicîkirina biryarên Encumena Ewlekariyê û di serî de herdû biryarên 2118 û 2254 bike.
Tê zanîn ku Şêx Tmîm di hevpeyvîneke rojnamevanî de li gel rojnameya Le Point ya Fransî, tekezî li ser pêwîstiya karê cidî ji bo pêkanîna çareseriyê li Sûriyê kir, û hişyarî da ku heye derengxistina vê yekê bibe sedema encamên xirab, û di heman demê de pejrandina civaka navdewletî heta niha ji pêkanîna serokekî ji komkujiyan re dijî gelê xwe û qewitandina wî ji bimilyonan welatî re ji welatê wan şermezar kir.
Jêder: Ofîsa Ragihandinê ya Hevbendiya Niştimanî ya Sûrî