Serokê Hevbendiya Niştimanî ya Sûrî Salim Elmislit civînek ji dûr ve li gel Nûnerê Taybet ê Birîtanya bo Sûriyê Jonathan Hargreaves û Eleanor Lippman li dar xist, û bi wan re pêşhatên piroseya siyasî û cîbicîkirina biryarên navdewletî û daxwiyaniya Cinêvê û herdû biryarên 2118 û 2254 yên ku rewûşê dighînin veguheztina siyasî li welat gotûbêj kirin.
Û Elmislit spasiya Nûnerê Brêtanî Hargreaves yê ku dê dema karê wî di rojên dahatî de bidawî bibe kir, û hêviya serkeftinê xwest ji xanim Elinor re, ya ku dê erkên wî heyanî ku nûnera nû dest bi kar bike werbigre.
Û Elmislit tekezî li ser pêwîstiya vegerandina guhdanê bi dosya Sûriyê careke din kir, û ku proseya siyasî kartêker bibe, û dosya Sûriyê li ser maseya danûstandinan bimîne, ji ber giringiya wê ji bo dosyayên din, nemaze yên herî girîng wek dosyayên girtî û penaberan.
Û Elmislit şiroveyek li ser rewşa meydanî û pêşveçûna karê Hikûmeta Sûrî ya Demkî di warê baştirkirina xizmetguzariyan de pêşkêş kir, û daxwaza piştgiriya projeyên li deverên rizgarkirî kir.
Û amadebûyan behsa pêşhatên dawî û civînên herêmî kirin, û Elmislit tekez li ser helwestên Hevbendiyê yê naguhêr derbarê pêwîstiya pêkanîna veguhestina siyasî ya berfereh li Sûriyê li gorî biryarên navdewletî ya ku rizgarkirina Sûriyê ji rijêma tawankar garantî bike kir.
Û Elmislit daxwaza pêwîstiya kartêkerkirina xebata “Dewletên Elgor” yên dost û bira û ku piştgiriyê didin daxwazên gelê Sûriyê di pêkanîna azadî, rûmet, demokrasî û çareserkirina arîşeyên hilawîstî de kir, her weha pêşdebirina berve çareserkirina pirsgirêkên ku Sûrî derdeseriya wan dikşînin.
Jêder: Ofîsa Ragihandinê ya Hevbendiya Niştimanî ya Sûrî
