Şandeya Hevbendiya Niştimanî Sûrî du rojan serdana Parîs paytexta Frensa kir, hevdîtin digel Serokê Frensî Firensiwa Holand û wezîrê derve yê Frensa Loran Fabiyon kir, herwiha digel Seroka Parlemana Frensa û Endamên komîta peywendiyên derve li Encûmena Rûsipiyên Frensî û balyozê Frensa yê Sûriyê û tîma peywendiyên Frensa û Sûriyê li wezareta derve ya Frensî û nûnerên Rêkxistinên hawarçûnê yên Frensî û Sûrî yên ko li Sûriyê kar dikin û komek ji rewşenbîr û hevwelatiyên Sûrî dîtin.
Şande bi serokatiya Xalid Xoca Serokê Hevbendiyê û serokê Desthilata Sûriyê Ya Demkî Ehmed Tu’ima û Wezîrê berevaniyê lîwa Selîm Idrîs û endamê Hevbendiyê Burhan Xelyûn û Mîşêl Kîlo û Selah Derwîş û Munzir Maxos.
Şandeyê rewşa Sûriyê bo Frensiyan rave kir û tekez kir ko giringe kuştarên di dermafê Sûriyan de dibin birawestin.
Her du aliyan tekez kir ko Rêjîma Esed ew jêderê yekem e ji tiroristiyê re li Sûriyê, û tucaran derdkêşiya Sûriyan çareser nabe eger Esed û peyayên wî neçin, ew yên ko berpirsin di pêrabûna tawankariyên cengê û tawankariyên li dijî mirovan û gerek Sûriyê bi bal dewleteke azad û dîmuqrat ve biçe ko tê de hevwelatî hemû bi erk û mafê xwe wek hev bin.
Berpirsiyarên Frensî tekez kirin ko Hevbendiya Niştimanî Sûrî ew nûnera Gelê Sûriyê ye, û dê Frensa ji bo Hevbendiyê û desthilata demkî û wezareta berevaniyê, hem ji aliyê dezgehên dewleta Frensa û hem jî bi cihê xwe yê Ewropî û Navdewletî piştgiriyê pêşkêş bike.
Xalid Xoca bi daxwazake fermî ji Serokê Frensa doz kir ji bo alîkariyê di mijara Pasportan de bike çimkî bi milyonan Sûrî zehmetiyê dikêşînin. Û di cih de karekî hevbeş di navbera Balyozxana Hevbendiyê û Wezareta Derve ya Frensa dest pê kir da çareseriyên tekûz di rêya Netewên Yekbûyî de bikin.
Serokê Hevbendiyê daxwaznameyeke fermî da Serokê Ferensayê ji bo çareserkirina Arîşeya Pasportan ya ku milyonên Sûriyan derdê wê dikişînin.
Herwiha Serokê Hevbendiyê daxwaznamak ji desthilatdarên Frensî re pêşkêş kir ji bo bi desthilatdarên Libnanî re kar bikin ji bo Penaberên Sûrî li Libnanê li gora yasa û rewiştên navdewletî ewan bipejirînin, û hem jî rewşa Sûriyên ko bi awayekî nerewa derbasî Libnanê bûne serast bikin.
jêder : Hevbendî
