Serokê Hevbendiya Niştimanî ya Hêzên Şoreş û Rikberiya Sûrî, Dr. Nesir Elherîrî, nameyek arasteyî Komkara Erebî û Saziya Hevkariya Îslamî û Saziya Hevkariya Dewletên Kendava Erebî kir, derbarê peydabûna Korona li deverên azad li bakurê Sûriyê.
Û Elherîrî sipasiya xwe ji tevaya alî û dewletên alîkariya gelê Sûriyê kirine ji bo sivkkirna derdeseriyên wan pêşkêş kir, û hemû han dan ser pêşkêşkirina piştgiriya pêwîst ji bo rûbirûbûna Korona yaku vê dawiyê gihîştiye deverên rizgarkirî.
Û Eşkere kir ku Wezareta Tenduristiyê di Hikûmeta Sûrî ya Demkî de û Rêveberiyên Tendurustî li Heleb û Idlib û Lazqiyê, hevkariyê bi navenda Gazî Entab ya girêdayî Saziya Tenduristî ya Cîhanî û Komkara Tenduristiyê re dikin, û dabînkirina beşdariya çalak ya saziyên sivîl yên Sûrî û navdewletî ji bo bikaranîna karînên van saziyan daku rê li pêşiya Korona li bakurê Sûriyê bigrin.
Û Elherîrî bal kişand ku bêhêtir ji 4 milyon mirovê sivîl li bakur-rojavayê Sûriyê niştecî ne, û bêhtir ji nîvê wan derbiderên sûrî ne, û milyonek û 250 hezar di kampan de dijîn, û ji pêdviyên sereke bo jiyaneke birûmet bêpar in.
Û tekez kir ku ev rewşa aloz li bakurê rojavayê Sûriyê, di dema peymana agirbesta lawaz de, û metirsiya belavbûna bilez a bêtara Korona, metirsiyên rojane yên li ser sivîlan pirtir dikin.
Û Serokê Hevbendiya Niştimanî diyar kir ku tevî karên mezin yên ku Saziyên Navdewletî yên Mirovahî pêşkêş dikin, û piştgiriya ji aliyên bexişkar ve tête dan, lê hîn jî karta tenduristî zehmetiyan dibîne ji aliyê tunebûna kadroyan û çavkaniyên diravî û kêmbûna alavên pêwîst ji bo rûbirûbûna astengiyên tenduristî yên ku Vîrosa Korona bi xwe re anîne.
Û bal kişand ser ku şiyana karta tenduristî li deverên rizgarkirî ji bo serederiya bi rewşa awarte û bersivdana lezgîn re, kêmî asta herî kêm û pejrandî ye, li gorî ku di pîvanên cîhanî yên tenduristî de hatine ziman.
Û Elherîrî daxwaza avakirina navendeke hevkarî û hevrêzkariya mirovahî bi tevaya Dewletên Ereb û Saziya Îsalmî û Saziyên Hevkariya Dewletên Kendavê re kir, ji bo veberhênana çavkaniyên saziyên ji aliyê Saziya Tenduristî ya Cîhanî û Komkara Tenduristiyê pesendkirî ne, û got ku divê kar ji bo dagirtina kêmbûna mezin di alavên pizîşkî de bibe, ji bo cîbicîkirina rêşûnên rûbirûbûna metirsiya Korona, her weha dabînkirina pêdviyên sereke ji bo parastina sivîlan li bakurê rojavayê Sûriyê ji nexwaşiya kujer.
Jêder: Ofîsa Ragihandinê ya Hevbendiya Niştimanî ya Sûrî