Serokê Hikûmeta Sûrî ya Demkî Ebdulrihman Mustefa raporta karê Hikûmeta Demkî yê herdû heyvên bûrî li pêşiya Desteya Giştî ya Hevbendiya Niştimanî di civatên xola 65emîn de pêşkêşî kir.
Û Mustefa di rapora xwe de projeyên nû yên ku ji aliyê Hikûmeta Sûrî ya Demkî ve di heyama dawî de li ser astên tenduristî, perwerde, xizmetguzarî û ewlehiyê hatine vekirin, her weha gerên meydanî yên ku wî li deverên rizgarkirî pêk anîne û di wan geran de bi serkirdeyên Artêşa Niştimanî ya Sûrî û berpirsên encûmenên xwecihî, saziyên xizmetguzarî û çalakiyên şoreşgerî re civiyaye, û bi wan re çend pirojeyên nû û dezgehên ku pêwîstiya wan bi çakkirinê heye, û kêşeyên ku rastî wan tên di pêkanîna armancên li ser wan li hev kirine de, berçav kir.
Û Mustefa karê Wezareta Berevaniyê di şopandina rewşa meydanî de li ser hemû eniyan û bilindkirina amadebaşiya şervanên Artêşa niştimanî, her weha şopandina karê polîsên leşkerî, dadgeha leşkerî û rêvebiriya Perwerdeya Derûnî diyar kir.
Û Mustefa şiroveyek li ser karê Wezareta Navxwe û rola wê di kontrolkirina rewşa ewlehî de li deverên rizgarkirî û têkbirina piraniya operasiyonên terorîstî yên ku sivîl û bazar û jêrxaneyan li van deveran armanc dikin, pêşkêş kir.
Û raporê behsa Wezareta Aboriyê û xebatên Saziya Genim a Giştî û Rêvebiriya Giştî ya Gumrikê kir, û tê de rewşa jiyanê li deverên rizgarkirî û rêjeya bilindbûna bihayan û keresteyên berdest, her wiha qebariya genimê di aşên saziyê de hatiye hêran li gel bihaya nên li deverê hatin berçavkirin.
Û Mustefa rola Wezareta Tendirustiyê di pêşkêşkirina alîkariyên pizîşkî de ji welatiyên deverên rizgarkirî re diyar kir, û bal kişand ser giringiya karê sîstema ambûlansê û rola wê ya bibandor di bersivdana rewşên awarte de.
Jêder: Ofîsa Ragihandinê ya Hevbendiya Niştimanî ya Sûrî