Serokê Hevbendiya Niştimanî ya Sûrî Salim Elmislit, li baregeha balyozxaneya Sûriyê li Dewha, bi Balyozê Fransayê li Qeter Jean Baptiste Favre re hevdîtinek li dar xist, û pêre pêşhatên rewşa meydanî û siyasî li Sûriyê gotûbêj kirin.
Û Elmislit tekezî li ser pêwîstiya pabendbûna navdewletî bi biryarên Encûmena Ewlekariyê yên girêdayî pirsa Sûriyê û di pêşî de daxwiyaniya Cinêvê û biryarên 2118 û 2254 kir, û cextî li ser pêwîstiya standina rêşûnên yasayî di nav pêvajoyeke navdewletî de ji bo dadpirsîna rijêma tawankar kir.
Û Elmislit pêngava Frensayê ya vê dawiyê ji bo dadgehkirina hejmarek ji tawankarên mezin ên rijêmê bilind nirxand, ji ber ku dezgeha dadwerî ya Fransayê fermana dadgehkirina Elî Memlûk, Cemîl Hesen û Ebdulselam Mehmûd derxist, li ser beşdarbûna wan di kuştina Mazen Debbagh û kurê wî Patrick de, yên ku di sala 2013an de li Balafirgeha Mezzê li Şamê ji aliyê Îstixbaratên Hêza Asîmanî ve hatibûn girtin.
Jêder: Ofîsa Ragihandinê ya Hevbendiya Niştimanî ya Sûrî
