Serokê Komîteya Sûrî-Tirkî ya Hevbeş, endamê Desteya Siyasî ya Hevbendiya Niştimanî ya Sûrî Mihemed Silo, peyameke sersaxiyê arasteyî malbatên qurbaniyên qezaya otomobîla ku welatiyên Sûriyê ji Stembolê ber bi Diyarbekrê ve dibirin kir, û hêviya saxlemiya bilez bo birîndaran anî ziman.
Û Silo tekez kir ku rewşa dijwar ya ku ji ber cenga rijêma Esed dijî gelê Sûriyê peyda bûne, bi milyonan mirov neçar kirin ku koçber bibin, daku ji kuştin û girtin û îşkencekirinê birevin, û got ku Sûrî hîn jî hewl didin ku bigihêjin devereke ewle ji bo dabînkirina paşerojeke baştir ji zarokên xwe re.
Û cext kir ku bidawîkirina tirajîdiya Sûriyê bi pêkanîna veguhestina siyasî li welat ve girêdayî ye, di rêya cîbicîkirina biryarên navdewletî yên girêdayî doza Sûriyê re, bi awayekî ku daxwazên gelê Sûriyê di azadî, rûmet û demokrasiyê de pêk bîne.
Jêder: Ofîsa Ragihandinê ya Hevbendiya Niştimanî ya Sûrî