Baylozxaneya Hevbendiya Niştimanî Ya Sûriyê li Elmanyayê û revenda Sûrî li Berlînê bangawaziyek vexwendina mangirtinekê belav kirin, ji bo vejandina salvegera duyemîn ya komelkujiya kîmawî ya ku Esed li herdu Xûtayên Şamê pêk anî, û ji bo piştgiriya xelkên Dûma paytexta Xûta Rojhilat, ya ku Esed bazara wê ya gelêrî armanc kir û di encamê de zêdetir ji 120 kesan jiyana xwe jidest dan.
Baylozê Hevbendiyê li Elmanya Besam Ebdella , ji tevahiya sûriyên azadîxwaz û dostên gelê Sûriyê li Elmanya xwest ku beşdariyê bikin û tevde bi hevre bisekinin di vê bîranîna diltezên de, wek wefadariyekê ji şehîdên Dûma û yên komelkujiya kîmawî re, û tevahiya şehîdên Sûriyê yên ji encama tewankariyên Esed û bikaranîna çekên kîmawî jiyana xwe ji dest dane, û derbirîna nerazîbûna Sûriyan ji bêdengî û alîkariya civaka navdewletî derbarê komelkujoyê û tewankarên ku ew kuştin pêk anîne, û daxwazê ji cîhanê bikin ku sînorekî ji vî tewankarî re yê ku herkesî ew nas kiriye deynin.
Mangirtin wê li pêş Dergehê Birandborg yê dîrokî li neverasta Berlîna paytext be , roja Înê 21 ê Tebaxa 2015 , katjimêr 6ê êvarê.
Hêjaye bîranînê ku du sal di ser komelkujiya Kîmawî li Xûta Şamê re derbas bûne, û hê jî Esed berdewame di Tawankariyên xwe de dermafê sivîlên gelê Sûriyê,û komelkujiya wî ya dawî ew bû , bombebarkirina hovane li ser bazargeha gelêrî li Dûmayê ya ku Paytexta xûta Rojhilat e di 16 Tebaxa 2015an , û di encamê de 120 şehîd bûn qurbanî, pirên wan jin û zarok bûn, ku ew tawan berî çend rojan bû ji bîranîna salvegara komelkujiya kîmawî ya tirsnak û 1500 şehîd ji herdû Xûtayan bûn qurbanî.
Jêder : Hevbendî
