Çalakvanin mafên mirovan, amaje bi wê yekê kirin ku tawanên hêzên rijêma tawankar li Sûriyê di salên bûrî de, yên ku wêne yan vîdyoyên wan gihîştine medyayê, beşekî pir biçûk e ji binpêkirinên mezin ên ku ta niha nehatine eşkerekirin.
Û malpera Zeman Elwesl, îro pênşemê, vîdyoyekî nû yê komkujiyeke tirsnak belav kiriye, têde diyar dibe ku hêzên rijêma Esed û şebîheyên wê komelkujiyek li dijî zarok, jin û mêran li devera Ras Elneb’a li bajarê Baniyasê di sala 2013an de pêk anîne.
Û perçevîdyoya ku ji aliyê malperê ve hatiye weşandin, kombûna laşên qurbaniyên ku zarok, jin û xort di nav wan de hebûn diyar dike, ewên ku endamên rijêma Esed û milîsên Şebîha ew bi mebest kuştine, piştî ku bi şêweyekî xerab êşkence kirine, û şêwandina serî û zik li ser dîmenên govdeyên qurbaniyan xwiya bû.
Û Xelkê devara Ras Elneb’a, şokbûna xwe ya mezin ji ber dîmenên xizm û nasên xwe yên ku di 4ê adara 2013an de li ser destên Şebîhayên rijêma Esed bi awayên curbicur ên hovane hatine şewitandin, kuştin û îşkencekirin anîn ziman.
Tê zanîn ku Hevbendiya Niştimanî ya Sûrî di daxwiyaniya xwe ya dehemîn salvegera komelkujiya Elbeyda û Baniyasê de, tekez kiribû ku rijêma Esed, xwediya komkujiyên Elbeyda, Baniyas û Çala Taxa Eltedamun û tawanên kîmawî, metirsiya herî mezin e li ser Sûriya û gelê wê û dewletên bira û dost.
Û Hevbendiya Niştimanî ji Emerîkayê û civaka navdewletî bi giştî xwest, ku bizaveke cidî û karê li gor mîkanîzmeke demnîşankirî bike, ji bo sizakirina rijêma Esed û karkirina li ser pêkanîna veguhastina siyasî.
Jêder: Ofîsa Ragihandinê ya Hevbendiya Niştimanî ya Sûrî
