Wezîra Perwerdehiyê di Hikumeta Sûrî ya Demkî de, Dr. Hoda Al-Absî, yadnameyeke lihevkirinê bi saziya Parastina Sivîl a Sûrî re îmze kir, naveroka wê ew e ku berevaniya sivîl karûbarên lojîstîk ji pirosesa ezmûn û hînkirinê re peyda bike, û dibistanan ji sala xwendinê ya nû re amade bike.
Û Wezîra Perwerde û Hînkirinê eşkere kir ku divê li gorî rêkeftinê Berevaniya Sivîl bi karê paqijkirina navendên ezmûnê yên ji hêla Wezareta Perwerde û Hînkirinê ve nîşan bûne rabe, û berî destpêkirina pirosesa ezmûnê wan dijî nexweşiyê derman bike, her weha depoyên avê yên navendên ezmûnê sertaserî dema ezmûnê tijî av bike.
Û bal kişand ku dabînkirina Berevaniya Sivîl ji hin erebeyên veguhaztinê û ajokaran re ji bo pirosesa ezmûnê jî di vê rêkeftinê de ye, û diyar kir ku ev piroses dê bikar were di veguhaztina pirsên ezmûnê ji rêvebiriya ezmûnan bo komelgehên perwerdehiyê, û paşre bibin navendên ezmûnan.
Û anî ziman ku Berevaniya Sivîl dê ji her komelgeheke perwerdeyî re erebeyeke tendurustiyê amade bike, daku karibe li hember rewşên nişkav di nav xwendekarên ezmûnê de rawestin, û bi karê dermankirin û paqijkirina dibistanan rabe, berî sala xwendinê ya nû ya 2020-2021 dest pê bike.
Û Wezîrê got ku dema hevkariyê di navbera Wezareta Perwerde û Hînkirinê û Berevaniya Sivîl ya Sûrî 3 heyv tenê ne, ew jî dema ezmûnên giştî ne, ji bo dibistan amade bibin berî sala xwendinê ya nû dest pê dike.
Tê zanîn ku ji sala 2013an de, Hikûmeta Sûrî ya Demkî di karê lidaxistina ezmûnên qonaxa diwenavencî de bi şêweyekî pabend berdewam e, û karîbû bawernameyan bide derdora 55.000 xwendekarî, 9000 jê bikêmanî xwendina xwe li Tirkiyê û hin Dewletên Ewropî berdewam kirin.
Jêder: Nivîsgeha Ragihandinê ya Hevbendiya Niştîmaniya Sûriyê
