Hevbendiya Niştimanî ya Hêzên Şoreşê û Rikberiya Sûriyê, Kargeriyek du-rojî li bajarê Xazî Entabê yê Tirkî pêk aniye. Ew kargerî bi beşdariya çend endamên Hevbendiyê û yên Desthilata demkî û komek ji xort û xwendekarên Sûriyê lidar ketiye, bi armanca gotûbêjkirina pirsgirêkên ko têne himberî wan xort û xwendekaran, û dîtina çareseriyan ji wan re.
Ev “Workshop” berdewamiya hevgihandina Sûrî-Sûrî ye, ya ko Hevbendiya Niştimanî mehên buhûrî dest pê kiribû, û piştî lihevkirinan digel Rêkxistinên Civaka Sivîl li ser pêkanîna “Workshop”ekê ku çend teweran li xwe bigre, da hevkariyê di navbera dezgehên herdu aliyan de bi berdewamî cîbicî bikin.
Tewerê gotûbêjan li ser piştgiriya xwendina zankoyî li ser xaka Sûriyê û li welatên penaberiyê ye, bi amanca ko xwendekar bibin sîsika qonaxa çaksazî û avakirinê di paşeroja Sûriyê de.
Wezîrê Fêrkirina Bilind Dr. Ebdulezîz Dixêm, li ser rewşa fêrkirinê li herêmên rizgarkirî bi kurtî axivî, û diyar kir ko wezareta fêrkirinê şeş peyman bi zankoyên navdewletî re ji bo xwendekarên Sûriyê danîne.
Dixêm tekez kir ko Sûriya bi hêz û viyana miletê xwe hate rizgarkirin, û gerek ji nû ve Sûriya azad bi destê xelkên wê bête avakirin. Destnîşan kir ko Wezareta Fêrkirinê şaxên xwe yên nû li herêmên rizgarkirî li Derˈa û Qunêtira vekirine. Jêder: Hevbendî
