Îro sibeha duşemê xebatên xula çaremîn ya Komîteya Destûrî a Sûrî li baregeha Netewên Yekbûyî li bajarê Cinêvê bi rê ketin, bi bikaranîna tevaya rêşûnên xweparastinê yên pêwîst daku rê li pêşiya belavbûna korona bigrin.
Û ev ger li gor rêkeftina di navbera serokên herdû şandên beşdar de birêve diçe, û giringî tê dan bo dûvçûna gengeşeya xiştekara xula sêyemîn, yaku têde gengeşeya bingeh û pirensîpên niştimanî li gor raspardeya Komêteya Destûrî û rêzên wê yên rêşûnî hatine.
Û Serokê Hevbeş ê Komîteya Destûrî, Hadî Elbehra, bi beşdariya nûnerin Desteya Danûstandinê di Komîteya Biçûk de, duh yekşemê, wek amdekariyê ji rûniştina sibe re, civînek li gel nûnerê navdewletî yê taybet bo Sûriyê Gere Pederson û Cîgira wî Xewle Meter û hejmarek ji endamên tîma wî lidar xist.
Û Elbehra di hevdîtinê de amadebûna nûnerên desteyê tekez kir, ku ew dê bi rengekî erênî xebatê ji bo gihîştina serkeftina karê Komîteya Danûstandinê di demeke lezgîn a pêkan de bikin, û cext kir ku xuleya çaremîn dê wek berdewamiyê be ji bo gengeşeyên xiştekara xola sêyemîn di çarçove û sînorê raspardina komîteyê û pisporiyên wê, û dê li ser tiştên berê ji aliyê tevayan ve di xula derbasbûyî de li ser hatiye axaftin ava bibe.
Û Elbehra bal kişand ser ku şirove û gengeşeyên Nûnerên Desteya Danûstaninê dê li gor bingehên destûrî bêne avakirin, û ew dikevin warê alîkariyê di gihîştina dariştina navarokên destûrî di demên tê de, û tekez kir ku mijarên vê xulê dê yekser têkildar bin bi gengeşekirina pirensîpên destûrî, û dê alîkariyê di rêxweşkirinê ji bo gengeşeyên xola pêncemîn bike, yaku dê ji bo gengeşekirina pirensîpên destûrî yên wek pirensîpên sereke di destûrê de were terxankirin.
û Nûnerên Desteya Danûstandinê ya Sûrî di Komîteya Destûrî ya Biçûk de duh yekşemê civîna xwe ya yekemîn li baregeha Netewên Yekbûyî lidar xist, wek amadekarî bo rûniştina yekemîn ya xola çaremîn a civatên Komîteya Destûrî ya Sûrî re, û endamên komîteyê girîngî dan lêvegerîna pilana karê xwe ya vê hefteyê, li gor ku berê li ser lihev kirine.
Jêder: Ofîsa Ragihandinê ya Hevbendiya Niştimanî ya Sûrî
