Bi dehan ji xelkê bajarê Siwêdayê, îro çarşemê, metingeke nerazîbûnê li pêşiya Mezargehê Pêşewa Sultan Paşa Eletreş li bajarokê Elqireya li dar xistin, ji bo protestokirina xerbûna rewşa jiyanê û têkçûna rijêmê di dabînkirina xizmetguzariyan de, û daxwaza guhartina siyasî li welêt kirin.
Û metingeran di vê rawestanê de pankartên xewstina guhertina siyasî li gorî biryarên navneteweyî, redkirina parçebûnê, serbestberdana girtiyan, qewitandin û sizakirina gendel û tawanbaran bilind hildan, û xirabûna rewşa jiyanê û şert û mercên aborî û bikaranîna Sûriyê ji bo çêkirina keresteyên hişbir şermezar kirin.
Û çalakvanan bal kişandin ser ku armanca vê pêngavê berfirehkirina metingên nerazîbûnê li tevahiya parêzgehê ye, her weha şermezarkirina xirabûna rewşa jiyanê û têkçûna aborî, û pêkanîna guhertina siyasî û rizgarkirina welêt ji van qeyranên aloz û dijwar.
Ji aliyê xwe ve Hevbendiya Niştimanî ya Sûrî, xweşhaliya xwe bi pêngavên metingên nerazîbûnê yên xelkê parêzgehê dijî siyaseta rijêma Esed ya ku bûye sedema têkçûna rewşa aborî û jiyanê li parêzgehê û tevaya deverên Sûriyê anî ziman.
Û daxwaz ji civaka navdewletî kir ku danûstandin û guhdaneke cidî bi tiştê ku li Siwêdayê dibe bike, û ji bo pêkanîna veguhastina siyasî li gorî biryarên navdewletî, û rawestandina tirajîdiya gelê Sûriyê bixebite, û hêviyên gelê Sûriyê di avakirina dewleta azadî û rûmetê de dûrî rijêma Esed û sembolên wê pêk bîne.
Jêder: Ofîsa Ragihandinê ya Hevbendiya Niştimanî ya Sûrî
