Serokê Hevbendiya Niştimanî Xalid Xoce tekez kir ku cîbicîkirina Desteya Fermandariya Veguhêz ku di daxuyanaiya Cinêvê de hatiye, divê Beşarê Esed û peyên wî yên fermandar di qonaxa veguhêz û pêşeroja Sûryayê ne bin.
Ev yek di kongireke rojnamegerî ku Xoce vê sibeha înê li Paytexta Rûsî Mosko lidar xistibû hat, piştî gotubêjên siyasî yên têkildar bi rewşa Sûryayê û deverê ve ku duh bi Wezîrê Karê Derve ê Rûsî Sêrgî Lavrov û şanderê taybet bi Rojhilata Navîn Mîxaîl Boxdanof re çêbûn.
Xoce di destnîşankirnê de weha got ” me têgihiştinek ji hêla Rûsiya ve bi nerîna Hevbendiyê derbarê çareya siyasî dît, û me diyar kir ku operasyona veguheztina siyasî li Sûryayê divê di çarçoveya nerînên daxuyaniya Cinêvê de be”.
Xoce, herweha li ser giringiya derketina ji rewşa niha li Sûryayê heye tekez kir, û ew rewş bi “gelemşe” bi nav kir, ji ber şerê ku rejîm dijî milletê Sûrî pêk tîne, û pêwistiya vegera rewşeke ku aramiyê li deverê misoger bike.
Xoce berdewam kir ku divê çareya siyasî yekîtiya Sûrî , erd û millet, biparêze, û saziyên dewletê ku milkê milletê Sûrî ne ji herifandinê biparêze.
Xoce diyar kir ku lihevkirin di nav Hevbendiyê û serkirdayetiya Rûsî çêbû li ser berdewamiya hevdîtin û şêwirdariyan bo dîtina çareyeke dadmend li Sûryayê ku berdewamiya têkiliyan biparêze, û di encamê de wê hevdîtin bi serkirdayetiya Rûsî re di qonaxa bê de berdewam bin.
Di derbarê şerê tirorê de, Xoce got; “hêzên rejîma Esed ji ber rêxistina Daişê vekişiyan û gelek deverên istratîcî radestî wan kirin, milişiyên regezperist bo kuştina milletê Sûrî anîn, û êrîş bi ser sûkên gelêrî û komên avahiyên sivîlan bi hemû cureyên çekên berdest pêk anîn. Ev yek dudiliyê nahêle ku rejîma Esed jêdera tîror û gelemşeya li deverê ye, lewre nabe ku bibe hevparê şerê tîrorê”.
Jêder:Hevbendî
