Serokê Hevbendiya Niştimanî ya Hêzên Şoreşê û Hevrikiya Sûriyê Xalid Xoce, mixabiniya xwe diyar kir der narê ko Hêzên Hevalbendiya Rojava hevrêziyê bi hêzên tirorist re dikin wek Partiya Karkerên Kurdistanê ya tirorist ji bo şerê Daişa tirorist bike. Û got: “nabe ko mirov şerê tiroristiyê bi piştgiriya destikên tiroristiyê bike.”
Xoce tekez kir eger hevrêzî di navbera civaka navdewletî û hêzên Artêşa azad li ser xakê nebe hîç troristî têk naçe.
Xoce got: ez ne geşbîn im bi civîna dahatî ya sibe sêşemê li Paytexta Siûdiyê digel şandyarê navnetewî Stîvan Dî Mistora, ji ber helwesta Rûsî ya alîkariyê di avakirina baweriyê de ya ko nuha nîn e nake, û dibîne ko Rûsya”bizavê dike da serpereştên Artêşa azad bikuje berî dest bi çareseriya siyasî bibe.”
“Desteya bala ya danûstandinan” ya ji bo kongirê Riyadê yê Hevrikiya Sûriyê çêbûye, civînên xwe yên vekirî li Riyadê Paytexta Siûdiyê doh dest pê kirin. ji bo haziriyên operasiyona danûstandinan bi Rêjîma Esed re ya ko wê dawiya evê mehê çê bibe. Desteyê dest bi gengeşeya biryara 2254an kir ya taybet bi Sûriyê û amadekirina ji bo civîna sibe ya digel Dî Mistora , hem jî babeta danûstandinên digel Rêjîmê, hatin gengeşekirin.
Emîndarê giştî yê Hevbendiya Niştimanî Mihemed Yihya Mektebî got ko Desteya bala di civînên xwe de yên nuha li Riyadê, dê di dan û standinan de giringiyê bidin kirdeyên leşkerî yên “Rûsya, Îran û Esed”, û karîna amadekirina ji bo danûstandinan di vê durum û rewşa niha de.
Mektebî bêtir got: “dê gengeşeyine berfireh bi Dî Mistora re bibin, li ser dîtina Netewên Yekbûyî li ser pêvajoya danûstandinan. Û emê li benda wî bin ko şêweyê dûmahî ji danûstandinan re destnîşan bike, ji hêla amadekirin û komîtan de wê di dûmahiya hevdîtinê de nerînek me ya din hebe ”.
Jêder: Elşerq Elewset+Hevbendî