Bidehan ji xelkê gundê Elhîsan li gundewarê Dêra Zorê yê Rojava, îro pêncşemê, derketin xwepêşandanekê, û piştgirî û rawestana xwe li kêleka xwepêşanderan li herdû parêzgehên Deraa û Siwêda anîn ziman.
Û xwepêşanderan tekez kirin ku gelê Sûriyê yekdest û yekrêz e ji destpêka xwestina guhertinê û rûxandina rijêma Esed de, yê ku pîstirîn tawan dermafê gelê Sûriyê pêk anîn.
Û xwepêşandaran pankart hildan û têde komkujiya kîmawî ya ku rijêma Esed li Gotaya Şamê berî deh salan pêk aniye, şermezar kirin, û tekezî li ser dadpirsîna tawankaran kirin, û li ser hin pankartan hatibû nivîsîn: Zarokên kîmawî mirin û çavên wan vekirî bûn, û çavên wan nayên girtin ta em heyfa wan ji te hilînin.
Tê zanîn ku xwepêşandanên mezin li herdû parêzgehên Deraa û Siwêda ji berî pênc rojan de berdewam in, û mangirtinên tam çêdibin, û xwepêşander têde tekeziyê li ser berdewamiya şoreşa Sûrî ta rûxandina rijêmê dikin.
Jêder: Ofîsa Ragihandinê ya Hevbendiya Niştimanî ya Sûrî
