Serokê Hevbendiya Niştimanî ya Hêzên Şoreş û Rikberiya Sûrî , Enes Elebde, yadnameyek qanûnî ji seroka encumana mafên mirovan xanim, Elîzabet Tîşî Fisîbirger, re şand, tê de tewanên cengê yên rijêma Esed û piştgirên wê li Sûriyê pêk tînin belge kirine, û bi taybetî operasyonên kuştina sivîlan û armanckirina avahiyên giştî û navendên pizîşkî li parêzgeha Idlibê û gundewarê Helebê.
Ev kar wek beşkekî ji helmeteke Hevbendiya Niştimanî ye, ji bo peyketina tewankarên cengê, û bi taybetî tiştên di hersî heyvên bûrî de çêbûne, û bi taybetî armanckirina sivîlan û jêrxaneya bingehîn.
Û Elebde tekez kir ku gelê Sûriyê dijwartirîn bobelata mirovahî di çerxê bîst û yekemîn de dijî, û bal kişand ser ku ev tişt bi berdewamiya rijêma Esed û rûsiyê ji êrîşên xwe re di heyvên dawî de li Idlibê û gundewarê Helebê kambaxtir dibe, ji ber derbiderbûna bisedhezarên sivîlan berbi sînorên Tirkiyê de.
Û Elebde got ku rijama Esed û Îranê û Rûsiya tevaya karên qedexe ji aliyê navdewletî de li Sûriyê kirine.
Û bal kişand ser ku rijêma Esed pabendî bi biryarên Encumana Ewlekariyê nekir, û sivkatî bi wan kir , ji birya ra 2042, 2043, yên 2012 ta bigihêje biryara 2254, ya ku wek lêvegerekê ye ji prosersa siyasî re.
Û dît ku berdewamiya têkçûna civaka navdewletî di rizgarkirina gelê Sûriyê ji vê bobelatê, dê bihêle rastgoya dezgehên navdewletî di çavê gel û desthilatan de nemîne, û piransîba ku her aliyek mafê xwe bi destê xwe bistîne bisepîne, ji ber sizanedana tewankaran, û got ku ew dê bandora xwe li pirosesa siyasî û paşeroja aştiyê li Sûriya û deverê bike .
Û gor ku tevaya tiştê dibe, dihêle gefxwarina li aştiya navdewletî bibe rastiyek, û anî ziman ku ev barekî mezin datîne ser milê dezgehên navdewletî, û dihêle Netewên Yekbûyî berpirsyariyin mezintir hilgire, yên gelek şêweyên rizgarkirina sivîlan tê de hebin, da rastgoya NY biparêze.
Û daxwaza civîneke awarte ya Encumana Mafên Mirovan kir, ji bo gengeşekirina rewşa Idlibê û derxistina biraran û kirina karên di vê derbarê de.
Herweha daxwaz ji tevaya dezgehên Encuman û komîteyên lihevkirina û tîmên kar kir, ku karê xwe li Sûriyê pir bikin , ji bo ragihandina rastiyê, û standina mafên qurbaniyan, û sizadana tewankaran.
Jêder: Ofîsa Ragihandinê ya Hevbendiya Niştimanî ya Sûrtî
