Şandek ji Hevbendiya Niştimanî bi Nûnera Yekîtiya Ewropa “Lara Skarbîta” re îroj înê li Istenbolê civiya. Di civînê de behasa pêşketinên meydanî û tevgerên siyasî ên dawî ku Hevbendî dike ku dawiya wan hevdîtina duh bi şanderê navdewletî Dî Mîstora re bû hate kirin.
Endamê Hevbendiyê ji Yekîtiya Ewropa xwestin ku bi rola xwe ya erênî bi awayekî aktîvtir rabin, ta ku li gor cihê Yekîtiya Ewropî di Civaka Navdewletî de be, nemaze piştî rewşên dawî ku li Frenas qewimîn. Endamên Hevbendiyê diyar kirin ku “ Karên Tirorê ne tenê li Sûrî ne, lê bi tevahiya cîhanê ve girêdayî ne”, û nîşana wê ew e her çar teqînên ku li çar welatên cuda di hefteya bûrî de çêbûn û ji hêla Hevbendiyê ve hatin şermezarkirin.
Lara “KêfxweşiyaYekîtiya Ewropî û piştgiriya wê bo şopandina hevdîtinên Hevbendiyê bi pêkhatiyên Hevrikiya Sûrî ên dî re” ji şanda Hevbendiyê re veguhest. Ta bigihêjin bingehek û helwestek hevbeş ku bikeve xizmeta armancên şoreşa Sûrî. Hevbendiyê jî di civînê de tekez kir ku ” Lihevkirina bi pêkhatiyên Hevrikiyê re li gor nerînên şoreşê, erkek niştimanî giring e”, bo bidawîkirina rola rejîma Esed û destpêkirina qonaxeke veguhêz ku xwestekên milletê Sûrî di azadî û dimuqratiyê de pêk bîne.
Herweha civînê behsa rewşên dijwar li deverên Rojhilatî bi giştî, û devera Kobanî, û Girê Spî bi taybet kir.
Jêder: Hevbendî