Komên xwepêşanderan ji deverên curbicur ên parêzgeha Siwêdayê îro Înê gihiştin meydana Elkerame, da ku tekeziyê li ser daxwazên gel di guhertina siyasî û ruxandina rijêmê de bikin.
Û çalakvanên xwecihî bal kişandin ser ku komên ku îro ji bo beşdarbûna di xwepêşandanên rojane de ber bi meydana Elkerame ve çûne, ji destpêka tevgera gel li Siwêda de, ji berî derdora heyvekê ve, mezintirîn kombûn bû.
Û Xelkên beşdar tekez kirin ku daxwazên wan di serî de siyasî ne, û ne tenê girêdayî aborî û xizmetguzariyê ne, û hin malbatên parêzgehê ji xwepêşanderan re li meydana Elkerame xwarinek giştî amade kirin.
Hêjayî gotinê ye ku Serhildana gel a li parêzgeha Siwêdayê, duh pêncşemê daxuyaniyek belav kir, têde daxwazên sereke yên tevgerê destnîşan kirin, û daxwiyaniyê cextî li ser berdewamiya xwepêşandanan heta jinavçûna rêjîmê kir, her weha daxwaza pêwîstiya veguhestina siyasî li gor biryara 2254 ya Netewên Yekbûyî û aktîvkirina biryara 2118, û birina tawanbarên tawanên cengê yên li dijî gelê Sûriyê bo Dadgeha Tawanên Navdewletî û serbestberdana girtiyan, kir.
Jêder: Ofîsa Ragihandinê ya Hevbendiya Niştimanî ya Sûrî
