Îroj duşemê sibehê, hêzên rijêma Esed derdora bajarokê Mihembil li gundewarê Idlibê yê rojava bi mûşekan topbaran kir, her wiha gundên Beyder, Şemso û Inib li gundewarê parêzgehê, rastî heman bombebarankirinê hatin, bêyî ku ti agahî derbarê qurbaniyan di nav rêzên sivîlan de hebin.
Û Berevaniya Sivîl a Sûrî, tekez kir ku duh 4 sivîl birîndar bûn, zarokek û du jin di nav wan de hebûn, (hemû bi darê zorê ji bajarê Me’eret Elnu’hman yê li gundewarê Idlibê koçber bibûn) di dema ku hêzên rijêmê taxên niştecihan li bajarê Erîha li gundewarê başûrê Idlibê armanc kirine.
Û berdewamiya êrîşên rêbazkirî ji hêla rijêma Esed û Rusya ve li ser sivîlan, bû sedema koçberkirina malbatan ji bajarê Cisir Elşixûr li rojavayê Idlibê, ji ber êrîşên dubare li ser bajêr.
Û Hêzên rijêmê tawaneke cengê ya nû dermafê pênc zarokan, di nav wan de sê bira hebûn, pêk anîn, bi rêya topbarana li ser malên sivîlan li gundê Qerqûr li Deşta Elxab ya li gundewarê Hemayê.
Û Hevbendiya Niştimanî ji Encûmena Ewlekariyê ya Navdewletî, daxwza şermezarkirina tawana cengê ya ku rijêmê li gundê Qerqûr pêk aniye kir, û mîkanîzman ji bo vekirina xetimandina dosya Sûriyê û piroseya siyasî bi sponseriya Netewên Yekbûyî bibîne, û bi awayekî kartêker hewl bide ku veguhestina siyasî pêk were, û biryarên navdewletî yên derbarê Sûriyê nemaze biryarên 2254 (2015) û 2118 (2013) cîbicî bike.
Jêder: Ofîsa Ragihandinê ya Hevbendiya Niştimanî ya Sûrî
