Tevgereke koçberbûna sivîlan li gund û bajarokên Cebel Elzawiye li başûrê Idlibê îro duşemê pêk hat, her wiha tevgereke koçbûna beşekî ji herdû bajarokên Sermîn û Afis li gundewarê rojhilatê Idlibê çêbû, ji encama topbarandina miştûmir ji hêla hêzên Rijêmê û Rusya ve ji çend rojan de, û di encamê de 3 welatiyên sivîl hatin kuştin, yek ji wan şîrmij bû, û 13 kesên din jî birîndar bûn.
Û Berevaniya Sivîl ya Sûrî got ku hîn gelek malbat li deverê hene, ji ber nebûna çi penageheke ewle ku wan ji topbarana rêbazkirî ya ku wan armanc dike biparêze hene, û ew neçar in ku li deverê bimînin ji bo berhevkirina berhemên xwe yên çandiniyê ya ku take-çavkaniya debara jiyana wan e.
Û Berevaniya Sivîl bal kişand ser ku tevgera koçberiyê li gund û bajarokên Elhelwancî, Hama, Elsebûniye, Elsweyda, Elbeldeq, Elmohsinlî, Genma, Elgendora yên herêma Cerabilus, Elkirêdiye û Elecemî li herêma Bizaa, û Elolaşlî li devera Elbab li gundewarê Helebê yê rojhelat çêbû, ji encama topbarandina tund ji deverên kontirola hevbeş ya Hêzên rijêmê û milîsên PYDe.
Û ji encama bombebarana balafirên rijêmê li ser bajarokê Sermîn li gundewarê rojhilatê Idlibê, êvara Şemiya bûrî, zarokek hat kuştin û 4 kesên din ên ku zarokek di nav wan de hebû birîndar bûn, û taxên niştecihan li gundê Afis li rojhilatê Idlibê û bajarokên Kinsefra, Kefer Aweed û derdora bajarokê Bilyon li başûrê Idlibê hatin armanckirin.
Û Berevaniya Sivîl a Sûrî vîdyoyeke tomarkirî belav kir, têde zarokekî digirî û li birayê xwe yê şîrmij di nav mala xwe ya wêrankirî de ji encama bombebarankirin hêzên rojêmê digere.
Û Tîmên Berevaniya Sivîl ji destpêka îsal ve heta 27ê Tebaxê, bersiva 491 êrîşên hêzên rijêmê, Rusya û milîsên ser bi wê ve dan, yên ku di encamê de 55 kes hatibûn kuştin, 9 zarok û 5 jin di nav wan de hebûn, û 225 kes birîndar bûn, 78 zarok û 32 jin di nav wan de hebûn.
Û Hevbendiya Niştimanî ya Sûrî tekez kir ku berdewamiya bêlebatiya navdewletî derbarê sizakirin û dadgihkirin û pêkanîna veguheztina siyasî li Sûriyê li gorî biryara 2254 nayê pejrandin, ji ber ku rijêma Esed vê yekê wek çirayeke kesk ji bo xwe û hevalbendên wê dixwîne, da ku zêdetir komkujî û tawanan pêk bîne.
Hevbendiya Niştimanî daxwaza tevgereke navdewletî li hember van tawanên hovane û şermezarkirina wan kir, û ku karekî tevayî li ser asta navdewletî ji bo mafdana qurbaniyan û sizakirina tawankaran li Sûriyê bike, piştî doseyeke berfereh ya ku bêhtir ji 12 salan ji tawanên rijêma Esed û Rusya û milîsên Îranê li dijî gelê Sûriyê.
Jêder: Ofîsa Ragihandinê ya Hevbendiya Niştimanî ya Sûrî
