Xwepêşandanên aştiyane yên ku daxwaza guhertina siyasî û rûxandina rijêmê dikin li Qada Elkerame di navenda bajarê Siwêda de, di roja şêst û heftan de li pey hev berdewam dikin.
Û xwepêşanderan îro sêşemê pankartin bilind hildan û li ser hinan ji wan nivîsîbûn: Kê belgeya xwedîtiya te ji welatê min re daye te? Lihevkirinê neke, em ê stemkariyê pipelçiqînin. Em dengê niha û pêşerojê ne, giyanê şoreşê namire heyanî ku dilê kesên têde beşdar ji serkeftinê hez dike, her ku stemkar serkutkirin û zordarî pêk anî tirsa xwe ji gel zêdetir bû, dibistan cihên wergirtina zanistiyê ne, ne mirîşgehên partiya Beis in.
Û hevdemî li gel xwepêşandina qada Elkerame li navenda bajêr duh roja duşemê, bi sedan ji xelkê herdû bajarokên Elsele û Milih li gundewarê Siwêda derketin, û wek tekeziyê li ser daxwazên gel bo guhertina siyasî ya jin û mêran beşdarî kirin.
Û xwepêşanderan di tevaya xwepêşandanan de pankart û siloganên ku derbirîna daxwazên azadî, rûmet û dadmendiyê dikin bilind hildan, û hevkariya xwe li gel dozen mirovane û sivîl li tevaya deverên Sûrî anîn ziman.
Jêder: Ofîsa Ragihandinê ya Hevbendiya Niştimanî ya Sûrî
