Îro sêşemê hatina girûpên xelkê ji gund û bajarokên parêzgeha Siwêdayê berve qada Elkerame li navenda bajêr berdewam e, da ku beşariyê di xwepêşandanên ku daxwaza guhertina siyasî û rûxandina rijêmê dikin de bikin.
Û xwepêşanderan îro di nav bangên şoreşgerî de, wêneyeke mezin ê serekê şoreşa Sûriyê Sultan Başa Eletreş li qada Elkerame bilind hildan.
Û grûpên jinan ên ku di xwepêşandanê de beşdar, bidehan pankartên ku daxwaza cîbicîkirina biryara navdewletî 2254 dikin bilind hildan, di heman demê de jinan li qadê bi awayekî komî stranên gelêrî bi bilindiya dengên xwe digotin.
Tê zanîn ku Serhildana gel a li parêzgeha Siwêdayê, daxuyaniyek belav kiribû, têde daxwazên sereke yên tevgerê destnîşan kirin, û daxwiyaniyê cextî li ser berdewamiya xwepêşandanan heta jinavçûna rêjîmê kir, her weha daxwaza pêwîstiya veguhestina siyasî li gor biryara 2254 ya Netewên Yekbûyî û aktîvkirina biryara 2118, û birina tawanbarên tawanên cengê yên li dijî gelê Sûriyê bo Dadgeha Tawanên Navdewletî û serbestberdana girtiyan, kir.
Jêder: Ofîsa Ragihandinê ya Hevbendiya Niştimanî ya Sûrî
