Endamȇ Desteya Siyasȋ di Hevbendiya Niștimanȋ Sȗrȋ de, D. Selah Derwȋș daxuyaniyek da beșȇ kurdȋ di nivȋsgeha ragihandinȇ a Hevbendiyȇ de, tȇ de got ku șanderȇ Navdewletȋ bo Sȗryayȇ Stȋvan Dȋ Mȋstora li ser xwesteka Encumena Niștimanȋ Kurdȋ derbarȇ beșdarbȗna bi șandeke serbixwe di șȇwirȇn Cinȇvȇ ku van çend rojan wȇ destpȇ bikin erȇ kiriye.
Derwȋș got wȇ hevdȋtin șȇwirdarȋ bin, Dȋ Mȋstora wȇ bi her aliyekȋ re cuda rȗne, ta nerȋnȇn gelê Sȗrȋ bi hemȗ beș ȗ pȇkhatiyȇn wî nas bike, ȗ bi nerȋnekȇ derkeve ku di xizmeta hemȗ pêkhateyên Sȗrȋ de be. Di vȇ derbarȇ de Derwȋș li ser pȇwistiya zelalkirina helwesta kurdȋ bi yek ramanê, ȗ gihandina nerȋnan derbarê çareseriya herî guncayî bo Sȗryaya pȇșerojȇ tekez kir.
Derwȋș destnȋșan kir, ji bo veguheztin ȗ tȇgihiștina nerȋnȇn hemȗ beș ȗ pȇkhateyan wȇ ew hevdȋtin pȇk werin, dibe ku paştî Dȋ Mȋstora hemȗ nerȋnan ji nȇz ve nas bike, bi encameke baș derkeve ta dose ȗ çareyȇn pȇșinyarkirȋ deyne ber Netewȇn Yekbȗyȋ.
Derwȋș berdewam kir ku beșdariya șanda kurdȋ bi awayekî serbixwe ne dijȋ siyaseta Hevbendiyȇ ye, lȇ vajȋ wilo; her ku kutleyan di nav xwe de li ser xȇzȇn sereke lihev kirin, wȇ ev yek bibe egera gihiștina encamin lezgȋntir ji rewșa nelihevkirina di hindirȇ yek kutleyê de.
Derbarȇ karȋna beșdariya Yekȋtiya Dimuqrat bi Encumena Niștimaȋ Kurdȋ re bi yek șandȇ, Derwȋș tekez kir ku tu piroblrm li gel Encumen li ser vȇ yekȇ tune ye, vajȋ wilo, ew kȇfxweș dibe.
Derwȋș diyar kir ku dema șȇwiran, ta niha, ji hȇla șanderȇ navdewletȋ ve nehatiye destnȋșankirin, ȗ em li hȇviya agahdarkirinê ne, bi dema ew destnȋșan bikin, da dest bi wan șȇwrian li Cinȇvȇ bibe.
Jȇder: Hevbendȋ
