Di raportekê de Alayên Şervan li Dêra Zorê tekez kirin ko”Piştî têkbirina lihevkirinê ya ko di navbera Lekên Artêşa Azad û xelkên Herêma Elşeêtat ji aliyekî û Rêkxistina Daişê ji aliyê dî ve, pevçûnên tund di navbera Isûd Elşerqiye li Herêma Elşeêtat û Çeteyên Elbexdadî de çê bûn, di encamê de Herêma Elşeêtat ji Çeteyên Daiş hate rizgar kirin û Cîgehên wan hatin şewitandin û leşkerên wan hin hatin kuştin û hin jî hatin dîlkirin, ”
Evê yekê hişt ko Çeteyên Elbexdadî leşkerên xwe kom bikin û berê xwe bidin Herêma Elşeêtat, lê hewldanên wan têk çûn û vekişiyan, beraber wê jî Şoreşgeran Herêma Elşeêtat Bajarokê Ebû Herdûb ji Çeteyên Daişê pak kirin û ew jî tevlî Herêmên rizgarkirî bû.
Bajarokê Elcirdî yê Rojhillat û Rojava û Siwêdan û Dirnic heta bi Cîgeha duyem ya Şoreşgeran Bajarê El´eşare ew yê ko wek keleha şoreşgeran ya duyem e piştî Elşeêtat hemû ji Daişê hatin paqijkirin, hebûna Daişê tenê di Zevîpetrola Elumer de ye û li wir cengên tund di navbera Şoreşgerên Dirnic û Şenan û Kombendên Daişê de çê bûn, Daişê gundê Elteyane bikaranî da li wan bide lê biser neketin, hebûna Çeteyên Daişê maye di Zevîpetrola Elumer ew Navenda wan maye ji Gundên Rojhilat, û ji bil wê devera Gundên Rojhilat ji Gundê Şenan û heta bi Bajarê Ebû Kemal hemû rizgar bûne, tenê Bajarê Ebû Kemal hêj di destê Daiş de ye û eger Xwedê got erê wê ew jî nêzîk rizgar bibe.
Û heta amadekirina evê Raportê Raperîneke Gelêrî li dijî Daişê li her du rexên çemê Ferat heye, gava min ev raport amade kir ez hatim agahkirin ko Gundên Elriz ew yê ko wek navenda hevalên Daişê ne li Dêra Zorê, hatin rizgarkirin û hem jî Gundên Berîha û Cidêda Begaran û Cidêda Elegêdat û Xeşam ew jî hatin rizgarkirin û ew Gund bûn yên ko Daiş himêz dikirin û eger li wir têkçûn dê Dêra Zorê bi tevayî ji dest wan biçe û nuha şer bi tundî di nav Şoreşgeran û Rêkxistina Daişê li çola Elşeêtat heye, lê Şoreşgeran ragihand ko çekên wan kêm in û hewcedarên piştevaniyeke lezgînin û hem jî alavên Bijîşkiyê ji heşt mehan ve li wan Herêman pir kêm in, û tiştê ko li Herêmgundê Dêra Zorê çê dibe ew Raperîneke giştî li dijî ew kesên jirêçûyî û Islamê bi çewtî radigehînin.
Jêder: Hevbendî
