Îro sibehê qunaxa heftan ji kampanya derzîdanê ji bo tunekirina pûçbûna zarokan li Sûriyê bi navûnîşana (Da Em Pûçbûna Zarokan Bidawî Bikin) dest pê kir, û ew karê ko Tîmeke kar ji bo tunekirina Pûçbûna Zarokên Sûriyê pê rabûye, zarokên ko temenên wan navbera rojekê û pênc salan li xwe digre li hemû Herêmanên ko Tîma derzîdanê dikare bigihêjê li Parêzgehên Hesekê, Dêra Zorê, Reqa, Heleb, Idlib, Hema û Laziqiyê.
Jêderên Yekîniya Hevrêziya Piştgiriyê nîşan kir ko Tîmên Derzîdanê wê seredana Zarokan di malên wan de bikin û wê vaksînên dijî pûçbûna zarokan bidin wan bi du dilopên di dev re, hem jî hinek ji Vêtamîna A(liba şîn ji zarokên şeş mehî û heta salekê û liba sor ji zarokên yeksalî heta pêncsalî) di rêya dev re.
Tîma kar bang li xelkê kir da alîkariyê ji bo hêsankirina karê wan bikin, ji bo parastina zarokên Sûriyê ji pûçbûnê.
Di evê salê de Tîma kar ya ji bo tunekirina pûçbûna zarokan şeş Pelamar ji derzîdanê li dijî pûçbûna zarokan kirin, nêzîkî 1.4 milyon zarok hatin derzîdan û bi hevkariya Tîmeke mezin ji xwebexşêneran û piraniya deste û dezgehên giştî yên di warê Guhdana Tenduristiyê li Sûriyê kar dikin.
Jêder: Yekîniya Hevrêziya Piştgiriyê
