Bi dehan kesên sivîl li Heleb û Idlibê ji ber êrîşin azmanî ku balefirên Esed bi ser gelek tax û deveran de birin û bermîlên teqîner avêtin jiyana xwe ji dest dan. Di ketina du bermîlên teqîner li ser Erd Elhemra li Helebê 5sivîl şehîd ketin û hindek birîndar bûn, herweha 4 sivîl di êrîşeke wek wê de li ser Mesakinê Henano birîndar bûn.
Di wê navê re, û li gor toreya Şam ya nûçeyan, hêzên Esed êrîş birin bi ser malên taxa Şehba Nû û hejmarek ji xortan ên ku temenê wan di bin 18salan re girtin, hûrbînîk dijwar li ser belgeameyên xwedîtiya xaniyan û deftera malbatê ya xwediyê xaniyê êrîşkirî bikar dianîn.
Li hemberî wilo. Artêşa Azad wargehek ji hêzên Esed re li Eşrefiyê di heman dema ku pevçûnin di navbera Yekîneyên şoreşgeran û hêzên Esed li ser eniya taxa Silêman Elhelebî lidarketûbûn teqand. Herweha şoreşgeran bi bumbeyên topa ” Cehenem” wargehin rêxistina ” Daiş” nêzî bajarokê Soran yê bi ser bajarê Izaz de li gundewarê Bakur armanc kirin.
Li gundewarê Idlibê, li gor ajansa Smart, duh, roja înê êvarî, di êrîşeke azmanî de ku balefirên Esed bi ser bajarokê Ebû Elzihûr û bajarê Xan Şêxûn pêk anîbû 16 sivîl şehîd ketin û hindek birîndar bûn, ajansê tekez kir ku 6zarok û 4 jin di êrîşeke azmanî bi ser malekê li bajarokê Ebû Elzihûr jiyana xwe jidest dan. Li gundewarên Idlibê jî di êrîşeke azmanî de bi ser bajarê Biniş de 9 sivîlan 4 ji wan zarok in jiyana xwe jidest dan û bi dehan birîndar bûn. Di dema hawarçûna qurbaniyan de dever ket bin bumbebaranekê ji aliyê topên hêzê Esed, di encamê de zêdetirî 10 kesan birîndar bûn.
Jêder: Hevbendî – Smart- Şam.
