Daxuyaniyeke Rojnamevanî
Di rojeke wek vê rojê de, di 29’ê meha çilê paşî 2013 de, hûragahiyên komkujiya Çemê Qiwêq ya bi destê hêzên rejîmê dijî sivîl û girtiyên Helebê û gundewarê wê hatibû pêkanîn eşkere bû, ku bii guleyan hatibûn kuştin û paşî termêm wan hatin avêtin di nav ava Çemê Qiwêq de, û li ber pêlên avê ber bi deverên rizgarkirî de çûn.
Tîmên Berevaniya Sivîl û çalakvanan 90 term di roja yekem de derxistin, û lêgerîna laşan berdewam kir, û ger û pêlên çem jî berdewam term li ber xwe tanîn, ta hejmara şehîdan li gorî komîteyên belgekirinê gihîşt 220 şehîdan, jin jî di nav wan de bebûn, di heman demê de raportên pizîşkiya dadwerî piştrast kirin ku hin term kelepçekirî û bi cilkên sivîlan hatin dîtin, û di nav wan de cenazeyên pênc jinan jî hatibûn dîtin, ku rastî destdirêjiya sêksî û îşkence û kuştinê hatibûn, herwiha nîşanên îşkenceyê li ser laşên gelek terman xuya bûn.
Komkujiya Çemê Qiwêq li Helebê, yek ji komkujiyên tirsnak ên rejîmê ye, yên pê şoreşa gelê Sûriyê her ji sala 2011’an ve armanc kiriye, û ew mînakeke balkêş e li ser riftar û şêwazên hovane yê rejîmê, herwiha dîmenekî rast li ser stemkariya derheqê sivîl û girtiyên di nava girtîgehên rejîmê de dibe pêşkêş dike.
Îro em agahiyên hûrbîn ên vê komkujiyê pêşberî hikûmetên hemû cîhanê û rêxistinên navnetewî û mafên mirovan dikin, ji bo hest bi berpirsyariyên xwe yên derbarê rizgarkirina gelê Sûriyê bikin, û pêwîstiya destwerdana navnetewî ya lezgîn ji bo rawestandina komkujî û tawan û binpêkirinên rejîmê, di nav de rawestandina bilez ya kiryarên darvekirin û îşkenceyên di girtîgehên wê de dibin, û serbestberdana bideh-hezaran kesên hatine binçavkirin, û eşkerekirina çarenivîsa hemû kesên bêserûşûn, û sizadana kesên gunehbar bi pêkanîna van tawanan.
Her kesê riya lêpirsînê ji bo pêkanîna dadperweriyê red dike; xwe bi xwe şermezar dike.
Şopandina riya dadperweriyê û alîgiriya maf û rastiyê û sizadana tawanbaran, ne bijardeyek ji komke bijardeyan e, lê belê ew riya bi tenê ye ku divê civaka navnetewî bişopîne, û her paşxistineke zêdetir dê dergeh ji bo cîhaneke pir kuştin û tawanên bê sînsor û yasa veke .. û ti kes ji encamên wê rizgar nabe.
Di salvegera vê komkujiya xemgîn de, Hevbendiya Niştimanî ya hêzên şoreş û rikberiya Sûriyê dubare bang ji bo veguhestina doseya Sûrî ya tawanên şer û dijemirov yên ji aliyê rejîmê û hevalbendên wê Rûsya û Îranî, û hemû milîsên girêdayî wê û hemû rêxistinên terorîstî yên bi îdeolojiyên cuda hatine pêkanîn, ji bo Dadgeha Tawanan ya Navnetewî dike, ji ber ku ev erkek ji erkên Netewên Yekbûyî û tevaya aliyên Civaka navnetewî ye.
Hevbendiya Niştimanî ya Hêzên Şoreş û Sûriyê
Ofîsa Agahdarî û Ragihandinê
29 çilê paşî 2019