Daxwiyaniyeke Rojnamevanî
Amadebûna nûnerên rijêma Esed ya tawanbar di Lûtkeya Cîhanî ya yekemîn bo qedexekirina terorê de, yaku bi sponseriya Yekîtiya Perlemanê Navdewletî û Saziya Netewên Yekbûyî lidar dikeve, pêkenokeke rasteqîn e, û kiryareke cihê nerazîbûnê ye, û wek sivkatiyê bi xwîna bi sedhezarên pakrewan û qurbaniyên ku ji ber terora rijêma qirkirinê û hevalbendê wê şehîd ketine ye.
Kesên ku rêvebiriya van çalakiyan dikin, ta niha nikarin ketwar fêm bikin û berpisyariyên ku tên xwestin hilgirin, û ji ber vê yekê tevlî çalakiyên weha dibin û dikevin xizmeta rijêma ku di ber tawanên cengê û tawanên dijî mirovahiyê de berpisyar e, û çekên kîmawî bikar anîne, û sponseriya rêxistina terora navdewletî dike, çi dijî gelê sûrî be an dijî dewletên derdorê û dewletên cîhanê be.
Û li şûna ku bergiriyê di ber mafên sûriyan de bike, ji ber ku qurbaniyên vê rijêmê ne, û kar li ser rizgarkirina vî gelî ji tawan û xerabiyên rijêmê bikin, û qurbaniyên vî gelî bilind binirxînin, û kar li ser dîtina şêweyên piştgiriya vî gelî bo azadiyê bikin, kiryarên wiha wek pêşkêşkirina xizmetkariya bê beramber bo rijêma qirkirinê tên, û bi ser de dihêlin ku wêneyên derew belav bike, daku rûyê xwe yê bi xwîn paqij bike.
Ger terrorist û sponserên terorê û rêxistinên terorîstî vexwendiyên kongirên weke vî ne, bila terror di vehêsiyê de bijî, bêguman ku kesên ev kongir li dar xistine, ger nikaibrîn rûyê teroristan di lîsteya kesên vexwendî de bibînin, an li ser maseyên civatan li wan temaşe bikin, dê nikaribin wan li tu cihê dîtir jî bibînin, û tenê maye ku qurbaniyên terorê û penaberên ji rijêmên terrorist reviyane û çalakvanên girtî di zindanên rijêman de bibin berdêlekî amade, daku hemû tuhmetbarî û derewên dermafê wan bixin stûyê wan qurbaniyan de.
Bi navê tevaya sûriyan û tevaya azadîxwazên li seranserî cîhanê, Hevbendiya Niştimanî vê şaştiya mezin dermafê gelê Sûrî û yasaya navdewletî û qurbaniyên terorê şermezar dike, û daxwaza qewtandina nûnerên rijêmê ji vê kongirê dike, û nehêlin ew di çi çalakiyên mîna wê de amade bibin, û careke dî daxwaza pûçkirina endamtiya rijêmê kir, ji ber ku rijêmeke tawanbar û teroris e, û divê ev rijêm li tu saziyên navdewletî amade nebe, ta ku veguhestina siyasî li Sûriyê temam bibe, û vegere dewleta ji bo xelk û gelê xwe.
Hevbendiya Niştimanî ya Hêzên Şoreş û Rikberiya Sûrî
Ofisa Karûbarên Penaberan
10 êlûna 2021
