Cîgirê Serokê Hevbendiya Niştimanî ya Sûrî û Hevrêzkarê Ofîsa Têkliyên Derve Ebdilehed Istêfo, rapora karê Ofîsa Têkliyên Derve yên herdû heyvên bûrî pêşkêş kir, û têde li ser çalakî û karên ku ofîsê pêk anîne û amadekariyên niha bo serdana New Yorkê di heman dema Civatên Komeleya Giştî ya Netewên Yekbûyî ya dahatî de axivî.
Û Istêfo hûrgiliyên helmeta diplomatîk a navdewletî yaku Hevbendî pê rabûye û têde gurzek ji name û yadnameyên yasayî ji wezaretên derve û saziyên navdewletî re şandine berçav kirin,û kurte-şiroveyek li ser civatên ku ofîsê li gel nûnerên dewletên dost û bira lidar xistine bo rawestandina dorpêçkirina ku rijêmê li ser Deraa Elbeled sepandiye û di pê re gurkirina leşkerî dijî sivîlan yaku bûye sedema ruxandina malan û koçberkirina nişteciyan pêşkêş kir.
Û Istêfo li ser karê Nûnergehên Hevbendiya Niştimanî li hejmarek ji dewletên erebî û biyanî axivî, û diyar kir ku ofîsê lîsteyên rêxistinkirinê bo Nûner û Balyozên Hevbendiyê amade kirine, her weha Ofîsê karê Nûnerên Hevbendiyê yê dema bûrî nirxand, û raporên karên wan wergirtin.
Û Istêfo eşkere kir ku Hevbendiya Niştimanî D. Îmad Qesas wek nûnerê Hevbendiyê li Romaniya hilbijat.
Jêder: Ofîsa Ragihandinê ya Hevbendiya Niştimanî ya Sûrî