Îro roja înê civatên xola normal a 58emîn ya Desteya Giştî ya Hevbendiya Niştimanî ya Sûrî li bajarê Stanbolê birê ketin, û dê du rojan berdewam bikin, û di vê xolê de dê rewşa meydanî li Idlib û Deraa bi awayekî taybet gengeşe bikin.
Û Desteya Giştî dê behsa pêşhatên rewşa siyasî nemaze karê Komîteya Destûrî ya Sûrî bike, her weha bûyerên siyasî û leşkerî, çi li ser asta herêmî be an navdewletî û girêdayî doseya Sûriyê be.
Û Desteya Giştî dê raporên xwecihî yên Desteya Serokatiyê û Ofîs û Rêvebirî û Komîteyan berçav bike, her weha raporên karê Hikûmeta Sûrî ya Demkî û saziyên Hevbendiya Niştimanî yên cîbicîkar.
Û Serokê Hevbendiya Niştimanî ya Sûrî Salim Elmislit, di gotara xwe ya destpêkê de, li ser pirosesa çaksaziyê yaku Hevbendî pê radibe axivî, û got ku ji mafê gelê Sûrî ye ku bibîne saziya wî çalak û rewa û parastî ye, û ev jî me datîne pêşiya berpisyariyeke mezin û ji me dixwaze ku em gelek tiştan careke din di bin çavan re derbas bikin.
Û Elmislit bal kişand ser ku çaksazî tevaya aliyan li xwe digire, çi saziyên me bin an saziyên rikberiyê bin. Dê hûrbînî li rewabûna hebûna herkesî bibe, û ti kes ji guhertinê ne parastî ye, û di serî de ez, û tu xêzên sor di vê mijarê de nînin.
Û Elmislit cextî li ser pêwîstiya xwirtkirina cihê Hevbendiya Niştimanî da rola xwe bileyze kir, û divê ku Hevbendî piştgiriya ciwanên şoreşger yên hişyar yên ku dest bi vê şoreşê kirine û heyanî niha berdewam in bike, her weha Hevbendî bi kesayetên giraniya wan ya siyasî û civakî û şoreşgerî hene bête piştgirkirin.
Û Elmislit diyar kir ku deriyê Hevbendiya Niştimanî bo daxwazên pêkhatên rewa yên ku cihê xwe digrin û kartêker in vekirî ye, û got ku dema em li ser gelê Sûrî bi tevaya pêkhatên wî diaxivin, divê em piştgiriya nûnertiya wan pêkhatan di vê saziyê de bi awayekî rewa bikin, û gava em li ser rola jinê û cihê wê diaxivin, divê em nûnertiya jinê di vê saziyê de temam bikin.
Û Elmislit cext kir ku Hevbendiya Niştimanî û endamên wê berpisyariya temamî ya tevaya sûriyên ku derdeseriyan dikêşin û rastî astengiyan tên hildigrin, û got ku derdeseriyên sûriyan cudahiyê nake navbera vî an wî de, ji ber ku nasnameya me yek e û xwîna me yek e.
Jêder: Ofîsa Ragihandinê ya Hevbendiya Niştimanî ya Sûrî
