Daxwiyaniyeke Rojnamevanî
Hevbendiya Niştimanî ya Sûrî bangekê ji bo hewarhatinê arasteyî Emîndarê Giştî yê Netewên Yekbûyî, Xaça Sor a Navdewletî, Komîseriya Bilind a Netewên Yekbûyî ya Karûbarên Penaberan, û rêxistin û komeleyên mafên mirovan dike, da ku bêhtir 50 penaberên Sûrî yên ku li giraveke Yonanistanê li rex çemê Evrosê asê mane rizgar bikin, ji ber ku hindik maye ku jiyana xwe ji dest bidin, piştî ku xwarina wan nema û ji ber vexwarina ava nepaqij nexwaşiyên metirsîdar di nav wan de belav bûne.
Û Hevbendiya Niştimanî daxwaza destwerdana bilez ji aliyê rêxistinên pêwendîdar ve dike, û daxwazê ji civaka navdewletî dike û fişarê li ser hikûmeta Yonanistanê bikin, û tevgereke bilez ji bo dabînkirina alîkariyên xwarinê û yên pizîşkî di zûtirîn dem de bike, ji bo rizgarkirina penaxwazan ji mirinê û nehiştina çêbûna bobelateke nêzîk.
Û Hevbendiya Niştimanî, berpirsyariya tam tavêje ser milê hikûmeta Yonanistanê di mijara saxlemiya penaxwazan û tiştê ku tê serê wan û binpêkirinên ku ew rûbirûyî wan dibin, nemaze derbarê ew girûpa ku rewşa wê xirab bûye, û li giravekê li rex çemê Evros tevaya endamên wê bê xwarin û av mane, û zarok, jin û nexweş di nav wan de hene.
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
11 tebax 2023
