Daxuyaniyeke Rojnamevanî
Bi dilekî xemgîn me nûçeya şehîdketina Endamê Hevbendiya Niştimanî ya Hêzên Şoreşê û Hevrikiya Sûriyê Ebû Malik Elşamî bihîst, nûnerê Tevgera Şoreşgêr Ya Şamê û serpereştê “Yekîtiya Îslamî ya Ecnad Elşam”.
Endamên Hevbendiya Niştimanî ya Hêzên Şoreşê û Hevrikiya Sûriyê sersaxiya malbat û dost û hevalên wî dike, û bi hêvî ye ko Xwedayê dilovan wî bi buhişta xwe şad bike û dilê malbata wî aram bike.
Dibe ko şehîd Fêsel Elşamî nenaskirî be ji aliyê gelek kesan ve, lê yên ko ew nas kirine dizanin wî çi ji bo Şoreşê, çi di qonaxa aştiyane de an jî di qonaxa çakdarî de kiriye.
Ew bû yê ko dev ji mamostetiya zankoyê berda û giha tevgerê wek Şoreşvanekî, û li ser xaka Sûriyê, dilzoziya xwe ji armancên şoreşê re diyar kir, serpereştê tekoşîna çekdarî li dijî rêjîma Esed û hevalbendên wî xebat kir.
Şehîd Elşamî jiyana xwe ji bo berevaniya di ber sivîlan de terxan kir, da wan ji zordariya rêjîma Esed biparêze. Ew û hevalên berî wî şehîd ketin, bizaveke wan ya diyar hebû di serkeftina Şoreşê de û hem di berevaniya di ber mafê miletê Sûriyê de yê ko doza azadî û rûmeta xwe dike.
Rêjîm û hevalbendên wê bi kuştina wan dixwaze simbolên Şoreşê tune bike. Dixwaze ko rûyê Şoreşê yê lîbral winda bike, û xwe dixapîne wek ko nizane ev Şoreş cihê baweriya bimilyonan xelkên Sûriyê yên azadîxwaz e, heta ko bigihên armancên xwe di azadî û rûmet û dadiyê berdewam in.
Hevbendiya Niştimanî dilovaniyê ji şehîdan re û sersaxiyê ji malbatên şehîdan re dixwaze, ew miletê diyar kir ko têkoşînê ji bo azadiyê dike û wê berdewam be heta amancên xwe bidest bixîne.
Dilovanî ji bo şehîdan , çareserî bo birîndaran , azadî ji bo girtiyan
Bijî sûriya , Miletê wê bi azadî bijî
Hevbendiya Niştimanî ya Hêzên Şoreşê û Hevrikiya Sûriyê
Nivîsgeha Ragihandinê
26.02.2016
