Daxwiyaniyeke Rojnamevanî
Hevbendiya Niştimanî ya Sûrî di roja navdewletî ya hînkirinê de, cext dike ku mezintirîn astengiyên piroseya perwerdekirinê berê û hîn jî berdewamkirina bombebaran û wêrankirina avahiyên perwerdeyê ye, ji aliyê çeteyên Esed û piştgirên wê ve, û bûye sedema ku zarok û ciwanên Sûrî ji mafê xwe yê perwerdebûna di jîngeheke ewle de bêpar bimînin, ji ber ku binpêkirinên wan ên dubare ziyan gihandine 40% ji dibistanan li Sûriyê bi şêweyekî tam an beşî ji sala 2011an de, û kuştin û girtin û koçberkirina bidehên hezaran ji mamosteyan, her wiha armanckirina 44 avahiyên perwerdekirinê li bakurê rojavayê Sûriyê di heyama sala 2023 de, li gor ku Tora Sûrî ya Mafên Mirovan dibêje.
Hevbendiya Niştimanî tekeziyê li ser mafê zarok û ciwanên Sûrî ê perwerdeyê û dabînkirina tiştê pêwîst bo temamkirina piroseya perwerdekirinê bi awayekî ewle kir, di rêya tevgereke navdewletî ya cidî re, bo rawestandina êrîşên li ser sivîlan û avahiyên perwerdeyê, û piştgiriya piroseya perwerdekirinê li deverên rizgarkirî yên ku Hikûmeta Sûrî ya Demkî rêvebiriya wan dike, bo misogerkirina pêşeroja bisedên hezaran ji zarokan û parastina wan ji nezanman û tundrewbûnê, ji ber ku garantiya geşepêdan û pêşveçûn û aramiyê di çi civakê de di pêşî de xwe dispêre pirosesa perwerdeyê.
Esed û çeteyên wî û piştgirên wî bi mebestî û şêweyekî rêbazkirî deveran bombebaran dikin û aramî û jiyana tevaya deverên rizgarkirî armanc dikin, bêyî ku ti giringî an nirx bidin yasa û peyman û biryarên navdewletî yên ku armanckirina sivîlan û dibistanan û bingeha jêrxaneyê qedexe dike, ji ber sistbûna navdewletî û Netewên Yekbûyî û saziyên wê û ranebûna wan bi berpisyariyên xwe derbarê parastina sivîlên Sûrî, çi di aktîvkirina dadpirsînê û sizakirinê de li ser tawanên li dijî mirovahiyê û tawanên cengê yên ku milîs û çeteyên Esed û piştgiriya wan dikin, an di warê hewldana bo pêkanîna veguhestina siyasî li Sûriyê be, li gorî biryara Encumena Ewlekariyê 2254(2015) da hêviyên gelê Sûriyê di azadî û dadmendî û demoqrasiyê de cîbicî bibin.
Hevbendiya Niştimanî ya Hêzên Şoreş û Rikberiya Sûrî
Ofisa Ragihandin û Peywendiyan
24 kanûna paşîn 2024
