Daxuyaniyeke Rojnamevanî Hevbeş
Ji bo temamkirina hevpeyvîna Qahîrayê ya di 23 -12-2014an de dest pê kir, û ji ber pêwîstiya yekirina gotar û bizavên rikberiyê li hember berdewambûna kiryarên kuştin û tundûtîjiyê û wêrankirinê li seranserê qada Sûriyê , heryek ji Hevbendiya Niştimanî û Desteya Hemahengiya Niştimanî vê qonaxa erênî ji peywendiyên di nav xwe de dişopînin , û herdu alî tekeziyê li ser pêwîstiya berdewamiya têkiliyan dikin di navbera hemû hêzên din yên opozisiyona demokratîk de.
Li parîsê û di hevpeyvînekê de di navbera şandeyên herdu aliyan de di dema 22ta 24 heyva Sibata 2015an de, herdu aliyan li hev kirin li ser nexşeriyeka çareseriya Siyasî, li ser binyatê reşnivîsa belgenameya piransîpên bingehîn yên çareseriya Siyasî li Sûriyê, û herwiha li ser belgenameyên siyasî yên li rex herdu aliyan, ku herdu alî rêkeftin ku ew reşnivîs bête pêşkêşkirin ji lêvegera herdu aliyan re bi mebesta gengeşe li ser bête kirin û ji herdû aliyan bê pesendkirin, têde hatiye têkistkirin ku lêvergera piroseya siyasî ji van xalên li jêr pêk tê:
-Daxuyaniya girûpa kar ji bo Sûriyê ya di 30 cehzerana 2012an de derket ya naskirî bi “Daxuyaniya Jinêvê” bi tevaya bendên xwe ve.
-Biryarên dadgeha navdewletî yên pêwendîdar, nemaze biryarên Encûmena Ewlekariyê (2042- 2043- 2059 yên hatîn derxistin di sala 2012an de) û (2118 ya hatî derxistin di sala 2013an de).
Armanca serekî ewe avakirina sîstemeka sivîl û demokratîk li ser binyatê pevdana desthilatê bi şêweyek aştiyane û firealiya siyasî , û gerantî û misogerkirina maf û erkên tevaya xelkên Sûriyê li ser bingeha wekheviya hevwelatîbûnê.
Lihevkirina herêmî û ya navdewletî pêdiviyeka serekî ye bo serxistin û serkeftina piroseya danustandinê.
Herdu Aliyan li hev kirin li ser berdewamkirina bizavên xwe bo lidarxistina hevpeyvînan digel hêzên opozisiyona siyasî û ya şoreşgerî bi armanca gehêjtina dîtin û pilan û karnameyeka hevbeş derbarê çareseriya Siyasî di navbera tevahiya hêzan de.
Dilovanî ji Şehîdan re, saxî ji birîndaran re û azadî ji girtiyan re,
Bijî Sûriya û bijî gelê wê bi azadî û serfirazî.
Hevbendiya Niştimanî ya hêzên Şoreş û Rikberiya Sûriyê
Desteya Hemahengiya Niştimanî ya hêzên guherîna Demokratîk
7 Adar 2015
