Daxuyaniya Dawiyê
Desteya Giştî ya Hevbendiya Niştimanî di civîna xuleya xwe ya bîst û diwem de ya li bajarê Istembolê di rojên 12 û 13 û 14ê Cehzîranê de hat girêdan, û têde hindek fayîl û mijarên gerim hatin diyarkirin û gengeşekirin û di pêşiyê de doseya guhertinên nû yên siyasî hatin rojevê û nemaze guherîna seqaya siyaseta navdewletî bo rêvebirina piroseya çareseriya siyasî li Sûriyê, tevî gengeşekirina hevdîtinên Hevbendiyê bi şanderê navdewletî bo Sûriyê Stîvan Dî Mistora re li heryek li Jinêv û Istenbolê û lênêrîna Hevbendiyê li bicihkirina daxuyaniya Jinêv û damezrandina desteyeka hikumraniya veguhêz li Sûriyê, û herwiha ji giringtirîn mijarên di Civînê de hatîn goftugokirin, mijara hevdîtina desteya Siyasî ligel balyozên Yekîtiya Ewropî.
Desteya Giştî di fayîlê meydanî de li cêgirê serokerkan û hejmarek serkirdeyên hêzên leşkerî guhdarî kir, li ser destkeft û pêşketinên meydanî û yên stratîjîk yên şorşgeran li ser sercem eniyên Sûriyê bidest anîn.
Di mijarek din de û derbarê fayîlê kargeriya Sivîl di navçeyên rizgarkirî de, raportek têr û tesel hat li ser serdana şanda Hevbendiyê bo bajarê Idlibê yê ku pêkhat ji heryek serokê Encûmena bilind ya kargeriya xwecihî Celaleldîn Xancî û serokê komîteya saxlemiyê Cewad Ebû Heteb û rêveberê Peymangehên Navincî di wezareta perwerdeya Hikûmeta Sûriya demkî de, û di wê serdanê de giringiya serxistina kargeriya sivîl li bajarê Idlibê û herwiha akar û saxlixên fermanrewiya aqilmend hatin şirovekirin.
Herwiha di civînê de fayîlê fêrkirin û perwerdeyê û pêşhatên vê fayîlê li bajarê Idliba rizgarkirî hat gengeşekirin û şopandin, û li dawiyê nexşeriya destpêkirina piroseya fêrbûnê di heman parêzgehê de hat gengeşekirin û pesendkirin û biryar pê hat dan, piştî lidarxistina Cîvînekê ligel kadiroyên kargerî û yên fêrkarî li bajêr û piştî rêkeftinekê li ser lênêrînek hevbeş.
Desteya giştî bi diyarkirin û gengeşekirina reşnivîsa lîsteya darayî ya Hevbendiya Niştimanî û armanca wê rabû, û ji bo vê yekê jî komîteyek pispor hat pêkanîn û hat rasperdekirin bi amadekirina reşnivîsa dawiyê ya lîsteya darayî, ku ew reşnivîs paşî wê bête nimayîşkirin li ser desteya giştî û berî civîna bê wê bi rêka elktironî biryar li ser bête dan.
Di mijara leşkerî de gengeşeyek berferh hat kirin li ser rewşa Encûmena Leşkerî ya bilind û ji guhertinên li ser qadê bûyîn piştî tevlîbûna nûnerên tabûran di Encûmenê de, û desteya giştî biryar da li ser damezrandina serkirdayetiyek leşkeriya bilind ligor birga 31an ji peyrewa bingehîn bi tevlîbûna hêz û tabûrên çalak li ser qadê, û damezrandina komîteyeka karkirinê bo pêkanîna serkirdayetiyek nû li ser pîverên rêkeftin li ser bête kirin, herwiha Encûmena leşkerî hat rawestandin, û desteya giştî demek bi dirêjahiya nebêhtir ji heyvekê destnîşan kir bo bidawîkirina karê komîteya ku ji nûnerên sercem firaksyonên hevbendiyê pêktê ku di maweyê heftiyekî de divê ew kes bêne binavkirin piştî standina biryarê.
Desteya giştî bi piraniya 95 dengan ji koma 107 endaman, biryar da li ser xistina Welîd Elomerî ji endametiya hevbendiya niştimanî bi sedema binpêkirina rênimayên bingehîn yên Civînên desteya giştî ku ew vajî zagona navxweyî ya Hevbendiyê ye, û ji ber rêznegirtina wî ji rênima û yasayên demokratîk yên saziyên Hevbendiyê re û bi şêweyekî ku kêmanî ye ji nûneryetiya Şoreşa Sûrî re.
Li dawiyê desteya giştî biryar da li ser paşxistina xula civînên xwe yên dahatî bo 30 tîrmeha 2015an, û herwiha erê kir li ser berdewamiya desteya serokatiyê û desteya siyasî bi tevaya desthilatdariyan heta bestina wê xulê.
Dilovanî ji şehîdan re, saxbûn ji birîndaran re, azadî ji girtiyan re
Bijî Sûriya bijî gelê wê bi azadî û serbilindî.
Hevbendiya Niştimanî ya hêzên Şoreş û Rikberiya Sûriyê
15 Cehzîran 2015
