Desteya Giştî ya Hevbendiya Niştimanî Sûrî biryar da li gora madeya 31ê ji Rêbaza navxweyî ku Serpereştiya Bala ya Leşkerî damezirîne. Ew dê nûneritiya alayên leşkerî yên li ser xakê kartêker in dabîn bike. Û biryar da ko Komîtekê çê bike ji bo Serpereştiyeke nû damezirîne, li gora pîvanên ko li ser wan lihev kirine. Hem jî karê Encûmena Leşkerî ya bala ya Erkan birawestîne, lê firakisyona Erkan di hundirê Desteya Giştî de bihêle heta Serpereştiya Nû bête damezirandin.
Desteya Giştî mehek ji bo bidawîkirina karê komîtê daye, ya ko nûner ji hemû firakisyonên Hevbendiyê tê de beşdar hene, heta Heftiyekê ji biryarstandinê divê ew bên binavkirin.
Ew di civînên Desteya Giştî ya Hevbendiya Niştimanî Sûrî di her sê rojên buhirî de hat, di civînan de jî rewşa encûmena leşkerî ya bala û guherînên tê de çê bûn ji nûneritiya alayên ko li ser xakê tevlê bûne gengeşe kirin.
Her wiha Desteya Giştî endametiya Welîd Elumerî ji Hevbendiya Niştimanî bi dengdana 95 dengan ji 107an xist. Ew jî bi sedema derandina mercên bingehîn yên civînên Desteya Giştî yên ko ne li gora Rêbaza Navxweyî kiriye û hem yên rêkxistina dezgehên Hevbendiyê bi şêweyekî ko ne babetî yekî nûnerên Şoreşa Sûriyê be.
Desteya Giştî biryar da jî ko xula civînên xwe ya dahatî heya 30 temûzê bi paş ve bixe, û hem erê kir li ser karê Desteya Serokatiyê û ya Siyasî heta rola dahatî berdewam bin.
Desteya Giştî ya Hevbendiya Niştimanî civînên xwe yên xula 22 ko li bajarê Istanbûlê rojên 12,13 û 14 meha cehzerdanê 2015an lidar ketin bidawî kirin. Tê de gelek dosya hatine pêşkêşkirin, ya sereke mijara siyasî û bi taybetî karûbarê navdewletî yê ko karê çareseriya siyasî li Sûriyê dilivîne û hem jî hevdîtina bi Şandyarê navdewletî Dî Mistora re li Cinêv û Istanbulê û ya ko tê de dîtina Hevbendiyê ji bo cîbicîkirina daxuyaniya Cinêvê bibe û desteyeke desthilatdariya veguhêz li Sûriyê bête damezirandin. Her wiha hevdîtina Desteya Siyasî bi Balyozên Ewropî re û babetên di civînê de pêşkêş bûn hatin gengeşekirin.
Ji bo dosya leşkerî jî Desteya Giştî li Cîgirê Serokê Erkan û çend Serpereştên alayên leşkerî pêşveçûnên meydanan û yên Istiratîcî yên giring ko şoreşger li hemû aniyên şer serdikevin guhdarî kirin.
Di derbarê Birêveberiya Sivîl de ji herêmên rizgarbûyî re raporta şandeya Hevbendiyê ya bajarê Idlib serdan kir bi serokatiya Serokê Encûmena bala yê Birêveberiya xwecihî Celal Eldîn Xancî û Serokê komîta tenduristî Cewad Ebû Heteb û Birêveberê Peymangehên Navendî yên wezareta Perwerdeyê ya Desthilatdariya Sûrî ya demkî, di wir de giringiya serkeftina Birêveberiya sivîl li Idlib û salix û karên erênî ên Desthilata demkî li wir hatin pêşkêşkirin.
her wiha Civîngeran behsa dosya hînkirin û perwerdeyl kirin û karûbarê wê li bajarê Idlib yê rizgarbûyî û biryardana nexşeya rê ji bo vegerandina hînkirinê li bajar vegere bi kadirên birêvebir û yên hînkar gengeşe kirin.
Desteya Giştî reşbeleka lîsteya darayî ya Hevbendiya Niştimanî û armanc jê pêşkêş û gengeşe kirin. Û komîteke taybetmend terxan kirin, ji bo amadekirina reşbeleka dawîn û pêşkêş kirina wê li ser Desteya giştî da bi awayekî eliktironî berî civîna jê re diyar bikin.
Jêder: Hevbendî
