Daxuyaniyeke Rojnamevanî
Roja 18’ê nîsanê tê, û li bîra xelkê Sûriyê yek ji giringtîrin kêlîkên nexşeriya şoreşa wan li bîr tîne, ya li dijî tawankariya rêjîma Esed, ya riya serkutkirin û tepeseriyê helbijart, her ji destpêka xwepêşandanên aştiyane li dijî daxwazên çaksaziya siyasî.
Îro dîsa bîranîna komelkujiya Elsa’a li bîr tê, ya li ser destê hêzên Esed di sala 2011an de, di derheqê xwepêşanderên qada Elsa’a de li bajarê Himusê pêk hat, ku têde xwîna hemû pêkhateyên olî tevlîhev bûn, di heman demê de, hat ragihandin ku êdî veger ji riya şoreşê li dijî rêjîma tawankar nîne, ku çiqas biha giran be jî.
Wê demê xelkê Sûriyê têgihiştin ku tawankariya rêjîmê çendî mezin û dijwar e, lê tevî wisa jî rijd man li ser helbijartina riya şoreşê, herwiha tawankariya rêjîmê baweriyên wan bi rewaya daxwazên wan xurtir kir.
Helbet her bîranînek ji bîranên şoreşê wek derfeteke nû tê, ji bo serrastkirina riya şoreşê û nûkirina soz û peymanan digel piransîp û rewieştên şoreşê û armancên wê ji bo bidestxistina rûmet û azadiyê û ruxandina stemkariyê.
Bbîranîna kuştara Elsa’a hevdem tê digel salvegera serxwebûnê ji dest dagîrkariya Firensa li ser Sûriyê, ku li bîra xelkê Sûriyê dagîrkariyeke ji rengekî din li bîrê tîne, da berdewamiya şoreşa Sûriyê dupat bibe heta bidawîkirina sercem reng û pergalên stem û zordariyê.
Dilovanî ji şehîdên serxwebûnê re di 70êmîn salvegera wê de.
Dilovanî ji şehîdên şoreşê re yên bi dilopên xwîna xwe dîmenên azadiyê nîgar kirin.
Azadî ji girtiyên jin û zarok û ciwan û kalemêr re, yên xweragir di girtîgehên stemkariyê de.
Bi saya xwedê mizgîniya serkeftina şoreşa gelê Sûriyê yê qehreman nêzîk bûye.
Hevbendiya Niştimanî ya hêzên şoreş û rikberiya Sûriyê
Nivîsîngeha Ragihandinê
18 nîsan 2016
