Daxuyaniyeke Hevbeş
Hevbendiya Niştimanî ya hêzên şoreş û rikberiya Sûriyê û Artêşa Sûriyê ya Azad, piştgiriya xwe ji her destpêşxeriyek cidî re ji bo rakirina dorpêçkirinê û derbaskirina alîkariyên mirovî tekez dikin, û Heleb jî yek ji wan deveran be, û derxistina birîndar û nexweşên giran, û cêbicêkirina biryara encûmena asayîşê hejmar 2254 ya sala 2015an bi hemû bendên wê û biryarên din yên pêwendîdar, herwiha amadebûna xwe bo pêşkêşkirina alîkariya pêwîst di derbarê vê yekê de jî tekez dikin.
Û di heman çarçoveyî de, Hevbendî û Artêşa Azad tekeziyê dikin li ser wê yekê ku destpêşxeriya pêşbînîkirî ya ji aliyê NY, derbaskirina alîkariyên mirovî tê de tune ye, û bi tenê derxistina wan birîndarên birînên wan giran ligel havkarên wan têde hatiye, hevdem ligel fişarên ewlekarî û yên serbazî û rojnamevanî yên ji aliyê dagîrkariya Rûsiya, û alîkariya Bişar Esed dibe ji bo koçberkirina tevahiya sivîl û şoreşger û şervanan, ku ev yek dihêle ev destpêşxerî kêm be, û bi tenê bibe fakterê valekirina bajêr, li şûna ku xelkê bihêlin li ser war û cihên wan, tevî têbîniyên me ku ev yek hevdem tê ligel kiryarên koçbarkirina neçarî yên li Me’demiyê û Qudseya û Elhamê dibin, û herwiha yên berî wan li Dareya li gundewarê Şamê bûn, hevdem ligel bêdengiya NY û bêkarînbûna wê di standina helwestekê de li gor asta berpirsyaretiyên xwe li hember parastina sivîlan.
Herwiha destpêşxerî hatiye bê dana gerantiyan bo birîndaran û hevalên wan di dema ku rastî dûvçûna hewalgerî bibin ji aliyê milîs û hevalbendên Beşar, ku ev yek dibe cihê metirsiyê li ser jiyana sivîlan, ji gefên kuştin û girtinê.
Em di Hevbendiyê û Artêşa Azad de, bi mixabinî dibînin ku NY bûye alavek di destê Rûsiya de ji bo derbaskirina ajendeyên xwe, û hevdem çavê xwe ji tawan û binpêkirinên wê yên li dijî yasaya navdewletî dibin digire, û em dibînin ku pêwîst e û dem hatiye ku NY careke din, û nemaze piştî helbijartina sikêrtêrekî giştî yê nû, hûrbîniyek bi kurahî û rastî ji siyasetên xwe re çêke, ku di dema bûrî de bi yek çavî li tawanbar û qorbanî temaşe dikir, herwiha ew di derbaskirina ajendeyên desthilata Bişar û milîsên terorîst yên Îranê de beşdar bû, û perdeyek xistibû li ser tawanên şer yên ji aliyê Rûsiya dibûn, ku li dawiyê bû sedema şikestina NY û nekarîna wê di pirotistikirina vê yekê de.
Berpirsyaretiyên civaka navdewletî gelek mezin in ji bo rûbirûbûna hewlên Rûsiya yên zêdekirina kuştinê li Helebê û deverên din, bi bikaranîna çekên qedexekirî, û ji wan bombeyên lerzandinê û napalim û yên şewtandinê û çekên kêmyayî, ku pêwîste li hember encamderên tawanên qirkirinê û yên şer bêdeng nemîne, ji kîsê xwîna xelkê Sûriyê û giyanê zarok û jinên wê.
Hevbendiya Niştimanî Ya Hêzên Şoreş Û Rikberiya Sûriyê
Û Artêşa Sûriyê Ya Azad
21 çirya pêşîn 2016
