Kurd beşek serekî ji pêkhateyên gelê Sûriyê ne, û roleka wan ya berz hebû di tekoşînê de ji bo demokrasiyê li dijî zordestiyê û siyasetên tepeserî û cudahkirin û perawîzkirinê.
Gelê kurd her ji destpêka şoreşa Sûriyê bi awayekî çalak û bihêz li tenişt pêkhateyên din yên Sûriyê û hêzên şoreşê rawestiya, herwiha gelek qurbanî dan û bizav kirin ji bo rûxandina rijêma diktatorî ya tawankar û ji bo avakirina dewleteka şaristanî ya demokrat ya têde sercem hemwelatî li ser binemayê hemwelatîbûnê yeksan bin, û têde danpêdan bi mafên netewî yên sercem pêkhateyên netewî misoger bibe, nemaze mafên gelê kurd ku doza wî dozeka niştimanÎ ya pile bilind e.
Encûmena Niştimanî ya Kurdî ya ji hejmarek aliyên siyasî û partî û hêzên lawan û çalakiyên civakî pêk tê, derbirînê ji koka armancên şoreşê û daxwazên wê ji bo pêkanîna rûmet û dad û azadiyê dike û herwiha ji bo parastina yekîtiya Sûriyê ya civakî û cografî û serweriya siyasî û herwiha ku helwestên wê ciyawaz bûn ji helwestên aliyên siyasî yêk kurdî yên din yên xudan pirojeyên taybet yan yên girêdayî bi aliyan ve, herwiha Encûmena Niştimanî ya kurdî û piştî amzekirina belgenameya li yektêgihiştinê bi awayekî çalak di Hevbendiya Niştimanî ya hêzên şoreş û rikberiya Sûriyê de beşdar bû, û di wê belgenameyê de çarçov û maf hatin destnîşankirin.
Û desteya siyasî ya Hevbendiya Niştimanî ya hêzên şoreş û rikberiya Sûriyê, Encûmena Niştimanî ya kurdî wek nûnerê rasteqîn yê armanc û hêvî û tekoşîna birayên kurd dibîne, û ew pabend e bi rêkeftinnameya di navbera xwe û Encûmena Niştimanî ya kurdî de.
Em bi hêvî ne ku desteya bilind ya danustandinan piştgiriya mafê Encûmena Niştimanî ya kurdî bike, ji ber ku nûnertiya piraniya doza kurdî dike û herwiha ku pabend e ligel me ji xelkê Sûriyê ji bo dabînkirina hêv û armancên gelê Sûriyê bi sercem pêkhate û kêmnetewên wê ve, û herwiha divê têbîniyên wê li berçav bigirin û aloziyan bi giyanekî sazan û hevkar çareser bikin û pêwendiyên biratî bihêz û mikom bikin ji bo bercewendiya welat û şoreşa wî.