Daxuyaniyeke Rojnamevanî Hevbeş
Nivîsgehên Siyasî yên Hêzên Şoreşger ên Şervan ko li jêr imze kirine û Desteya Siyasî ya Hevbendiya Niştimanî ya Hêzên Şoreşê û Hevrikiya Sûriyê, Pêşinyarên Şandyarê Navnetewî Birêz Dî Mistora yên li ser pêşxeriya “Komên Kar”, û piştî lêvegera rewşa herêmî û navdewletî ya dema bûrî ya têkilî dirûma Sûriyê û pêşveçûnên dawî yên hestiyar û bibandor çi li ser asta meydanî û çi ya siyasî, û ji ber em hişyarin ku nekevin operesyona çareyek siyasî ya têkçûyî de, ku miletê me wê bibuhayî nirxê wê bide ji xwîna hezarên Şehîdan û wêraniyên bêtir û têkçûna darayî ya Welat wek ko berê çê bûye. Me li ser evan xalan tekez kir:
Yekem: Civînkeran pabendiya xwe tekez kirin bi çareseriyeke siyasî ko armancên Şoreşê misoger bike û nasnameya miletê Sûrî biparêze û pêvajoya derdên Milet kurt bike . Û di heman demê de gerek operasiyona siyasî dabîn bike ko rêjîma nuha bi şêweyekî nuh venegerîne . An jî rolê nedin Serekê Rêjîmê û Peyayên wî yên ko destê wan bi xwîna Miletê Sûrî sor bûye ko nekevin Operasiyêna Siyasî ya veguhêz..
Duyem:
Hêzên Şoreşê û Hevrikiya Sûriyê herdem bi erênî bi Şandyarê Navnetewî re bûn, tev ko çi encamên piraktîk jî nedane û hem tekez dikin ko dê berdewam bi Netewên Yekbûyî re danûstandinê bikin ko bikarin xizmeta miletê Sûriyê bikin.
Sêyem: Miletê Sûriyê bawerî biyekcarî bi karîna civaka navdewletî nemaye, ko piştgiriya milet bike piştî pênc salan ji tawankariyên ko di derheqê wî de ji aliyê Rêjîmê ve dibin. Gerek hêrsa milet li ber çavan bibînin û gerek gavine rastîn bavîjin da baweriya milet bi xwe vegerînin û yên giring:
diyarkirina aşkere û kartêker ko Serekê Rêjîmê û zilamên wî ji rola siyasî dûr bikin.
Çarem: Em dibînin ko Beşar Elesed cihê wî di Operasiyona siyasî de tune ye ji ber sedemên siyasî û piraktîk yên jêr:
Gihaştina Beşar Esed ya desthilatê bi awayekî nerewayî û malbatî bû.
Beşar Elesed gava dest bi kuştina miletê Sûriyê kir yê ko bi aştiyane derket bû tawankarê cengê heta bi çekên kîmawî li dijî milet bikar anî, ev tawankarî hemû ji aliyê rêkxistinên serbixwe hatine belegeh kirin.
Beşar Elesed nekarîna xwe ya tekûz ko nikare têkeve çi çareseriya siyasî û ne pabend e bi çi lihevhatin û hevkariyên navdewletî heta di mijarên mirovî de jî û ji ber evê yekê jî bawerî pê nema.
Beşar Elesed di şerê ko li dijî Daiş de (wek ko ew dibêje) têk çû û tu serkeftin jî li qadê nekiriye û li gora pêzanînên hene hevrêzî di navbera her du aliyan de heye û rola Rêjîmê di çêbûna Daiş de heye.
Beşar Elesed dergehên Sûriyê li ber çeteyên biyanî vekir û pîstirîn kuştarên mezhebî çê kirin û ew dihêle rewaya beşdarbûna wî di çi operasiyona siyasî de nebe.
Ya dawî ko Beşar Elesd Sûriya radestî dagîrkerên Îranî û Rûsî kiriye, û ev xinizî derheqê dîrok û paşeroja welat re nayê bûrandin.
Pêncem: em dibînin ko têkbirina dezgehên ewlekariyê yên berpirsên kuştina miletê Sûrî ku tewanên wan belgehkirî ne,û dubare-avakirina dezgeha leşkerî , xalekî serekî ye di di çi çareseriya Siyasî de. Ev Rêkxistina leşkerî ya jihevketî û têkçûyî ya ko bûye çeteyên milî bi serkêşiya Îranê, nabe ko bibe bingeha artêşeke niştimanî, û nemumkine ko miletê Sûrî baweriyê pê bîne ko Ewlekarî û aramiyê ji bo paşeroja welat pêk bîne.
Şeşem :
Damezirandina “Desteya desthilata veguhêz ”, ew operasiyona veguhastina desthilatê ye ko cihê Beşar Elesd û simbolên wî tê de nîn e, û tekezkirina ko dezgehên dewletê bêne parastin ji ber ew milkên milet in û nabe jihev bikevin û welat bêtir nekeve gêreyê.
Heftem: Em dibînin ko pêşxeriya “Koma Kar” bi evî awayî ew zêdegaviyeke li ser piraniya biryarên Netewên Yekbûyî yên bi mijara Sûriyê ve girêdayî ne, bi taybetî 2118, 2139, û 2139 û ew anko “Koma Kar ” operesiyoneke siyasî ya girêkî ye avakirina beweriyê di nav miletê Sûriyê dixwaze ji aliyekî ve û ji aliyê dî ve aliyê ko bi operasiyona siyasî ve radibe (Netewên Yekbûyî) û ev pêk nayê ko ne biryarên navnetewî yên ko rêjîmê ew têk birine eger cîbicî nebe.
Heştem: Em dibînin ko “Koma Kar” bi evê raweya nuha û alavên wê yên nediyar hatine der, rê xweş dike ji bo dîsa rêjîmê bide pêş, û Koma Kar gerek li ser pirinsîbên xuyanî wekû dîtineke dûmahî ji bo çareseriyê ava bibe.
Nehem: Em operasyonên Rûsî yên leşkerî yên yekser û yên ko Rêjîm ew berpirsiyariya wan hiltîne red dikin, rêjîmê Sûriyê kiriye meydanek ji têwirdanên biyaniyan re, û civaka navdewletî jî bi bêdengiya xwe destê wê tê de heye. Û ev êrîş qutbirînek in di têkilyên navbera miletê Sûrî û Rûsya, û ji aliyekî dî ve tê xuyakirin ko Rûsya ne rast bû di pabendiya xwe bi operasiyona siyasî û rojekê ji rojan nenavgînke pak bû belê ew li aliyê Rêjîma kujer bû.
Dehem: Hêzên Şoreşê li pêşberî gel û dezgehên wî pabendin bi yekgirtina rêzên xwe û serastkirina şaşitiyên ko di pêvajoya Şoreşê de çê bûn . ko ev Şoreş bi pirinsîb û xwîna şehîdên xwe re dilsoz derkeve. Em ê tirazûyê têkin navbera misogerkirina amancên xwe û parastina pirensîban, û derdê miletê xwe sivik bikin û lezê di rizgarkirina wan de bikin. Em ê karînên xwe têkin xizmeta evê armancê.
Em ji wilo jî dibêjin Koma Kar bi raweya nuha redkirî ye ji aliyê piraktîk û siyasî û yasayî ve, eger ev xalên li jor li ber çavan neyêne dîtin û yên nexuya neyêne aşkerekirin.
Hevbendiya Niştimanî Ya Hêzên Şoreşê Û Rikberiya Sûriyê
Desteya Siyasê
2 Çêreya Oêşî 2015
