Daxuyaniyeke Rojnamevanî
Hevbendiya Niştimanî piştgiriya xwe ji her Tevgereke Gel re ko bizavê dike da Girtiyan ji Zindanên Esed rizgar bike tekez dike, û bi taybetî kampanya “pêşî Girtî” , ya ko çalakiyeke sivîl li paytexta Firensa li Parîsê sibe Şembiyê amade dike. Hem destxweşiyê li yên ko bi kampaniyê rabûne dike.
Raportên Mafnasiyê destpêka îsal derketin, tekez dikin ko hejmara Girtiyan li Sûriyê bêtir ji 215 hezaran e û 99% jî di zindanên rêjîma Esed de ne.
Bi rastî, wek ko daxuyaniya “pêşî Girtî” diyar kiriye, îro em li pêşberî bobelateke bi qebareyeke cîhanî ne, ne tenê Sûrî, lêbelê cîhan bi rêkên corbicor bi taybetî herdu Cemserên wê Rûsya û Emerîka berpirsiyarên wê ne.
Hevbendiya Niştimanî dengê xwe tevli ewan dengan dike yên ko dozê li civaka navdewletî û rêkxistinên navdewletî yên mafê mirovan û desteyên civaka sivîl û her kesên ko bi berpirsiyariya xwe ya mirovî radibin dikin, da di rûyê tawankarên li dijî mirovantiyê li Sûriyê tawanan dikin yekdest bin.
Hevbendiya Niştimanî rêza û hurmeta xwe ji bizava Xort û Keçên Sûriyê re diyar dike, ji bo piştgiriya Şoreşa Miletê Sûrî û rêkxistina kampanyên piştgiriya kêşeya wî û kêşeya Girtiyan, dîsa tekez dike ko dosya Girtiyan giringiyeke sereke ye, çimkî her tiştên li ser rûyê Zemînê nakeve şûna kêlîkekê tenê ko mirov di zindanên Esed de derbas dike.
Xwedê Şehîdan bi dilovaniya xwe şad bike
Çareserî ji bo Birîndaran,
Azadî ji bo Girtiyan,
Bijî Sûriyê azad û bijî miletê wê azad.
Hevbendiya Niştimanî ya Hêzên Şoreşê û Rikberiya Sûriyê
10 hezîran 2016
