Daxwiyaniyeke Rojnamevanî
Desteya Giştî ya Hevbendiya Niştimanî ya Sûrî, di 20ê adarê de civîna xwe ya 66emîn li dar xist, û bi kêliyeke bêdeng û xwendina Fatiheyê li ser giyanê qurbaniyên erdhejê û şehîdên şoreşa Sûrî dest pê kir, û piştre Serokê Hevbendiya Niştimanî Salim Elmislit, şiroveyeke siyasî pêşkêş kir, û raporên kar ên du heyvên bûrî tevî raporên Serokatiyê, Cîgiran û Emîndariya Giştî danîn pêşiya amadebûyan.
Û Desteya Giştî behsa mijarên girêdayî dosya Sûriyê, pêşhatên navdewletî û helwestên pêwendîdar, pêşhatên siyasî û meydanî, karûbarên penaberan û dosya asayîkirina têkliya ji aliyê hin dewletan ve li gel rijêma Esed û rêyên rûbirûbûna wê, kir.
Û Serokê Hevbendiya Niştimanî li pêşiya Desteya Giştî behsa çalakiyên siyasî û hevdîtinên dawî û gerên meydanî yên ku li deverên rizgarkirî pêk anîne kir, nemaze piştî erdheja wêranker ya ku di sibata bûrî de li herêmê dabû, û Elmislit anî ziman ku Hevbendiyê piştî erdhejê pêwendiyên derve pir kirin, da ku alîkariyên guncaw bighînin Sûriyên ziyan dîtine.
Û Paşê Cîgirên Serok û Emîndarê Giştî kurteşiroveyên xwe, yên ku têde raporên karûbarên du heyvên bûrî pêşkêş kirine, berçav kirin, û Desteya Giştî raporên Hikûmeta Sûrî ya Demkî û Yekîneya Hevrêzkariya Piştgiriyê dîtin, û raporên deste, ofîs û rêvebirî, û nûnergehên Hevbendiyê hatin pêşkêş kirin, û li şiroveyên Desteya Danûstendinê ya Sûrî û Komîteya Destûrî û Sindoqa Qerzdanê guhdarî kir.
Û Serokê Desteya Danûstandinê ya Sûrî giringtirîn pêşhatên pirosesa siyasî û zincîra civînên ku Desteyê di heyama bûrî de bi nûnerên navdewletî re li dar xistibûn berçav kirin, ku têde daxwaza zêdekirina karên navdewletî ji bo gihîştina veguhestina siyasî li gor biryarên Netewên Yekbûyî , û piştguhnekirina dosya Sûriyê da ku aloztir nibe, kir.
Û civîngeran rewşa siyasî û mirovî û pêşhatên navdewletî yên girêdayî dosya Sûriyê gengeşe kirin, û tekezî li ser pêwîstiya rawestandina asayîkirina têkliyan bi rijêma Esed re yaku ji aliyê hin dewletan ve derketiye kirin, bi taybetî dewletên ereb ên ku gelê Sûriyê bendewarê alîkariya wan e ji bo tirajediya wî bidawî bibe û azadiya xwe bidest bixe.
Û civîngeran bal kişandin ser helwesta dewletên ku redkirina xwe ji normalîzekirina têkliyan re ragihandine û banga dadpirsînê kirine, û xweşhaliya xwe bi daxwiyaniya çaralî ya navdewletî ya ku ji aliyê Amerîka, Îngeltere, Elmanya û Fransayê ve hatiye dan û ev redkirin têde diyar kirine anîn ziman. Herweha di dema gotûbêjkirina wan sizayên nû yên Yekîtiya Ewropî li ser tawankarê cengê Beşar Esed û rijêma wî ji ber tundûtûjiya zayendî, bal kişandin ser girîngiya sizayên li ser rijêmê, û behsa giringiya biryara Encûmena Nûnerên Amerîkî li dijî asayîkirina têkliyan bi rijêma Esed re kirin, û ji Amerîka xwestin ku vê yasayê pesend bike, da di zûtirîn dem de cîbicî bibe.
Û kesên di civînê de behsa danûstandina ne dadane ya Netewên Yekbûyî li Sûriyê axivîn, ji ber ku ew bêhtir li kêleka rijêma Esed rawestiya, nemaze di mijara bikaranîna siyasî ji trajediya erdhejê re, û pêşkêşkirina gelek alîkariyan ji wê re, tevî hebûna bidehan rapor û belgeyên ku diziya rijêmê ji wan alîkariyan re û bikaranîna wan ji milîsên xwe re piştrast dikin.
Û di warê meydanî de, civîngeran rêyên sivikkirina tirajîdiya ku bi ser gelê Sûriyê de hatiye, bi taybetî li deverên rizgarkirî piştî rûbirûbûna erdheja wêranker a heyva bûrî, û ziyanên gihane konan ji ber lehiyên barana vê dawiyê gotûbêj kirin, û behsa rewşa giştî ya deverên rizgarkirî kirin, û tekezî li ser hewcedariya deverê ji piştevaniya navdewletî re di hemû waran de kirin.
Û di dawiya civînê de, civîngeran tekezî li ser berdewamiya Hevbendiya Niştimanî di rêya şoreşê de ta ku daxwazên gelê Sûriyê di azadî û rûmetê de pêk werin, û dewleteke sivîl ya piralî û demokrat dûrî desthilata malbata Esed û dezgehên ewlehiyê bê damezrandin, kirin.
Dilovanî ji pakrewanan re, saxlemî ji birîndaran re, azadî ji girtiyan re û serkeftin ji şoreşa Sûriyê re
Hevbendiya Niştimanî ya Hêzên Şoreş û Rikberiya Sûrî
Ofîsa Ragihandin û Peywendiyan
22 adar 2023
